بالی وڈ کی معروف اور خوبصورت اداکارہ دیا مرزا کا کہنا ہے کہ بالی وڈ میں صرف مردوں کی اجا رہ داری ہے –
باغی ٹی وی : بھارتی میڈیا رپورٹ کے مطابق اداکارہ دیا مرزا کا کہنا ہے کہ 50 سالہ عمر رسیدہ شخص کو 19 سالہ جوان اداکارہ کے ساتھ اس کے ہیرو کے طور پر کاسٹ کرنا افسوسناک بات ہے-
اداکارہ کا کہنا تھا کہ یہ صرف میری رائے نہیں بلکہ بالی وڈ میں عام طور سے ایسا ہی ہوتا ہے کیوں کہ یہاں صرف مردوں کی اجارہ داری ہے۔
دیا مرزا نے کا بھی کہنا تھا کہ ستم ظریفی یہ ہے کہ بوڑھے مردوں کے لئے کہانی تو لکھی جاتی ہے لیکن اسی عمر کی خواتین فنکاراؤں کو کاسٹ نہیں کیا جارہا اس سے بڑا افسوس یہ ہے کہ بوڑھے فنکار نوجوانوں کا کردار ادا کر رہے ہیں۔
اداکارہ نے کہا کہ سینئر اداکار جتنا چاہئیں نوجوانوں کا کردار ادا کر لیں لیکن حقیقت تو یہ ہے کہ خوب صورتی کا انحصار جوانی ہی پر ہے اور یہی وجہ ہے کہ اب انڈسٹری میں نوجوان چہروں کی مانگ میں اضافہ ہو رہا ہے۔
