پاکستانتازہ ترین

قائد اعظم کے مجسمے کے سامنے نیم برہنہ حالت میں لڑکا لڑکی کا فوٹو شوٹ ،ذمہ دارکون؟

4 سال قبل
4 سال قبل

وفاقی دارالحکومت اسلام آباد میں ایک لڑکے اور لڑکی نے قائد اعظم کے مجسمے کے سامنے نیم برہنہ حالت میں فوٹو شوٹ کرایا ، ’متنازع‘ فوٹو شوٹ پر سوشل میڈیا پر نئی بحث چِھڑ گئی۔

تفصیلات کے مطابق مائیکرو بلاگنگ ویب سائٹ ٹوئٹر پر دو تصویریں سامنے آئی ہیں جس میں لڑکا اور ایک لڑکی بنفشی رنگ کا غیر مناسب لباس پہنے ہوئے ہیں، اس تصویر میں ان کے پیچھے قائد اعظم کا مجسمہ اور ان کا قول ’ایمان ‘دیکھا جاسکتا ہے،

ذرائع کے مطابق یہ واقعہ اسلام آباد ایکسپریس وے پر قائد اعظم ہل کے سامنے پیش آیا، جس کی وجہ سے سوشل میڈیا پر ایک نئی بحث چھڑ گئی ۔

 

سوشل میڈیا صارفین کی جانب سے دونوں کے غیر مناسب لباس اور فوٹوشوٹ پر شدید تنقید کی جا رہی ہے،بعض صارفین کا کہنا ہے کہ اگر یہ فوٹو اسلام آباد میں ہوا ہے تو حکومت کو چاہیے اِن دونوں نوجوانوں کو سخت سزا دے، تا کہ آئندہ کبھی کوئی یہ اِس طرح کی نازیبا حرکت کرنے کی جرأت نہ کریں۔

کچھ صارفین نے سوال اٹھایا کہ یہ کیسے ممکن ہوا کہ ایک عوام مقام پر دو نوجوان نیم برہنہ حالت میں فوٹو شوٹ کرواتے ہیں اور کوئی اِس حوالے سے نوٹس نہیں لیتا اور یا کوئی شہری اس حوالے سے متعلقہ حکام کو اطلاع نہیں کرتا۔

 

 

اس حوالے سے سینیئر صحافی انصار عباسی نے بھی ٹوئٹر پر ڈپٹی کمشنر اسلام آباد حمزہ شفقات کو ٹیگ کرتے ہوئے جوڑے کے خلاف کارروائی کا مطالبہ کیا۔

ان کی ٹوئٹ کے جواب میں ڈپٹی کمشنر آفس نے بھی عوام سے اپیل کی کہ اگر کسی کو بھی اس حوالے سے مزید معلومات ہوں تو وہ آگاہ کریں

 

یاد رہےکہ یہ پہلا واقعہ نہیں بلکہ اس سے پہلے بھی کئی مقامات پرایسی اوچھی حرکات ہوچکی ہیں لیکن آج تک کسی نے ان کے خلاف ایکشن نہیں لیا ، شائد یہی وجہ ہےکہ ایسے مجرم پیشہ افراد پھربے خوف وخطرہوکرایسی حرکتیں کرتے ہیں

 

Shares:

مزید خبریں