لندن: برطانیہ میں آنے والے طوفان سے نظام زندگی درہم برہم ہو کر رہ گیا ہے، پروازیں منسوخ کردی گئی ہیں اور ٹرینوں کی آمد و رفت معطل ہو گئی ہے۔
باغی ٹی وی :برطانوی میڈیا کے مطابق تین دہائیوں میں آنے والا خطرناک ترین سمندری طوفان یونس برطانیہ کے ساحلی علاقے کارن وال سے ٹکرا گیا جس کے نتیجے میں3 افراد ہلاک ہوگئے طوفانی ہواؤں کے باعث مختلف مقامات پردرخت اوردیواریں گرنے کے واقعات ہوئے جن میں 3 افراد ہلاک ہوگئے۔
Footage of a tree falling down in Devon, concerning situation evolving pic.twitter.com/31DDW9ut1V
— FCast (@WXFCast) February 18, 2022
196 کلو میٹر فی گھنٹہ کی رفتار سے چلنے والی تیز ہواؤں کے باعث درخت جڑوں سے اکھڑ گئے ہیں اور نظام زندگی تقریباً مفلوج ہو کر رہ گیا ہے لوگ گھروں میں محصورہوگئے اورسینکڑوں صارفین کوبجلی کی فراہمی منقطع ہوگئی لندن کے مشہوراو ارینا کی چھت کا ایک حصہ بھی تیز ہواؤں کے باعث اڑگیا۔
طوفانی ہواؤں سے عمارتوں، مکانوں اورگاڑیوں کوبھی نقصان پہنچا۔سیکڑوں پروازیں منسوخ کردی گئیں اورکئی سڑکوں کوبھی ٹریفک کے لئے بند کردیا گیا۔ طوفان کے باعث متعدد علاقوں میں ٹرین سروس بھی معطل رہی۔کارن وال،سمرسٹ، برسٹل اورڈیون میں اسکولز بند کردئیے گئے۔
حکومت نے صورتحال کے پیش نظر فوج کو ریسکیو آپریشن کے لیے اسٹینڈ بائی رہنے کی ہدایات جاری کی ہیں جب کہ شہریوں سے کہا گیا ہے کہ وہ گھروں میں رہیں اور باہر نکلنے سے اجتناب برتیں۔
برطانوی ذرائع ابلاغ کا کہنا ہے کہ طوفان سے زیادہ متاثر ہونے والے ویلز میں تقریباً ایک لاکھ افراد بجلی کی بنیادی سہولت سے محروم ہو چکے ہیں۔ ویلز کی تمام ٹرینیں بھی منسوخ کردی گئی ہیں۔
محکمہ موسمیات نے طوفان کے بعد انگلینڈ، اسکاٹ لینڈ اور ویلز کیلئےسیلاب کی وارننگ جاری کردی ہے۔ شمالی انگلینڈ میں برفباری کی یلو وارننگ جاری کی گئی ہے۔ امدادی کارروائیوں کے لئے فوج کوتیاررہنے کی ہدایت کی گئی ہے۔