نیوی کے پانچ سابق افسران کی سزائے موت پر عملدرآمد روکنے کے حکم میں توسیع

اسلام آباد ہائیکورٹ ، کورٹ مارشل میں 5 سابق نیوی افسران کی سزائے موت کے فیصلے کے خلاف درخواست پر سماعت ہوئی
اسلام آباد ہائیکورٹ کے جسٹس بابر ستار نے پاکستان نیوی کے پانچ سابق افسران کو نیوی کے شپ پر قبضے کے الزام میں کورٹ مارشل کے ذریعے دی گئی سزائے موت پر عملدرآمد روکنے کے حکم میں توسیع کر دی. عدالت نے 3 جون کو سزائے موت پر عملدرآمد روکنے کا حکم دیا تھا

پاکستان نیوی کی جانب سے رپورٹ اسلام آباد ہائیکورٹ میں پیش کی گئی، رپورٹ میں کہا گیا کہ کورٹ مارشل کی کارروائی شیئر نہیں کی جا سکتی،جسٹس بابر ستار نے ریمارکس دیتے ہوئے کہا کہ آپ چاہتے ہیں میں فیصلہ کر دوں؟ آپ کوئی وجوہات نہیں بتا رہے کہ سزائے موت کیوں دی گئی؟یہ بتانا کہ سزائے موت کیوں دی گئی یہ کوئی سیکرٹ ایشو نہیں،میرے سامنے ایک ہی سوال ہے کہ سزائے موت کیوں دی گئی وجوہات بتائی جائیں،

پاکستان نیوی کے نمائندہ نے ہدایات لینے کیلئے عدالت سے وقت مانگ لیا،عدالت نے ہدایات لینے کی استدعا منظور کرتے ہوئے سماعت ملتوی کر دی،پاک بحریہ کے سابق افسران ارسلان نذیر ستی،محمد حماد، محمد طاہر رشید، حماد احمد خان اور عرفان اللہ نے اپیلیں دائر کر رکھی ہیں