انتخابات میں ناکامی، سراج الحق جماعت اسلامی کے عہدے سے مستعفی

سراج الحق نے امیر جماعت اسلامی کے عہدے سے استعفیٰ دے دیا
سراج الحق کا کہنا تھا کہ بھرپو کوشش اور محنت کے باوجود انتخابات میں مطلوبہ کامیابی نہیں دلا سکا،انتخابات میں ناکامی کو قبول کرتے ہوئے جماعت اسلامی کی امارت سے استعفی دیتا ہوں،

الیکشن میں شکست کی ذمہ داری قبول کرتے ہوئے جماعت اسلامی کی امارت سے استعفی دے دیا ہے۔

— Siraj ul Haq (@SirajOfficial) February 12, 2024

سراج الحق کے استعفیٰ کے بعد جماعت اسلامی کی جانب سے جاری اعلامیہ میں کہا گیا ہے کہ نئے امیر کے کیلئے انتخابی مراحل 31مارچ تک مکمل کیے جائینگے ۔

سراج الحق جماعت اسلامی کے دوسری بار امیر منتخب ہوئے تھے تا ہم اب انہوں نے امارت سے استعفیٰ دے دیا ہے،سراج الحق سینیٹ کے رکن بھی رہ چکے ہیں، کے پی حکومت کے سابق وزیر بھی رہ چکے ہیں، 2024 کے انتخابات میں سراج الحق دیر سے اپنی سیٹ ہار گئے تھے.

قبل ازیں گزشتہ روزجماعت اسلامی پاکستان نے نئے امیر کے انتخاب کا فیصلہ کرلیا، پہلے مرحلے میں شوریٰ کی رائے کے مطابق اراکیں جماعت کی راہنمائی کے لیے تین ناموں کا اعلان کیا ہے، صدر انتخابی کمیشن جماعت اسلامی پاکستان راشد نسیم نے امیر جماعت کے انتخاب کے پہلے مرحلے میں شوریٰ کی رائے کے مطابق اراکیں جماعت کی راہنمائی کے لیے تین ناموں کا اعلان کیا ہے جس میں سراج الحق، لیاقت بلوچ اور حافظ نعیم الرحمان شامل ہیں جبکہ اراکین جماعت اسلامی ان تین کے علاوہ بھی کسی رکن کو امیر جماعت کے منصب کے لیے اپنی رائے دے سکتے ہیں،
ترجمان جماعت اسلامی پاکستان قیصر شریف نے کہا ہے کہ امیر جماعت کے انتخاب کے تمام مراحل 31 مارچ 2024 تک مکمل کیے جائیں گے جبکہ ماہ اپریل میں صدر الیکشن کمیشن راشد نسیم نتائج کا اعلان کریں گے جس کے بعد نو منتخب امیر جماعت اسلامی پاکستان کسی تقریب میں حلف امارت لیں گے.