برطانیہ میں ایک اور پاکستانی کا اعزاز
پاکستانیوں کے لیے ایک اور اعزاز کی بات پاکستانی نژاد برطانوی تاجر ضمیر چوہدری کو ملکہ برطانیہ نے ہاؤس آف لارڈز کا رکن منتخب کرلیا ہے۔
برطانیہ کی سابق وزیراعظم تھریسامے نے اپنے استعفیٰ کی آنر لسٹ میں ملکہ برطانیہ سے گزارش کی تھی کہ ضمیر چوہدری کو ہاؤس آف لارڈز کا رکن منتخب کیا جائے . جسے منگل کے روز منتخب کر لیا گیا.
اس آنر لسٹ میں سیاست کے میدان میں نمایاں خدمات سرانجام دینے والی شخصیات، کھیلوں کے میدان کے بڑے نام اور بطور بہترین بزنس لیڈر اپنی صلاحیتوں کا سکہ منوانے والے افراد کے نام شامل ہیں۔
ضمیر چوہدری کا ہاؤس آف لارڈ بنایا جانا برطانیہ میں مقیم پاکستانیوں کی محنت کو تسلیم کرنے کے متراف ہے اوریہ پاکستانیوں کے لیے ایک اچھے شگون کی بات ہے ۔ وہ اپنے عہدے کا باقاعدہ حلف آئندہ چند ہفتوں میں اٹھائیں گے۔
ضمیر چوہدری کو برطانیہ کی مقامی اور بیرون ملک تجارت میں بطور کامیاب بزنس مین اپنا سکہ منوانے، بطور سماجی کارکن برطانیہ اور دیگر ممالک میں بہترین خدمات کے عوض دیا جارہا ہے.
