بدھ مت دور کا دوہزار سال قدیم اسٹوپا دورانِ مرمت گر گیا

خیبر : پاک افغان شاہراہ پر بدھ مت دور کا دوہزار سال قدیم اسٹوپا دورانِ مرمت گر گیا۔

باغی ٹی وی: درہ خیبر میں لنڈی کوتل بازار کے قریب دو ہزار سال قبل تعمیر ہونے والی سفولا اسٹوپا عمارت کی مرمت کی جارہی تھی کہ اس دوران اچانک عمارت کا ایک حصہ گرگیا جس سے قدیم آثار کو نقصان پہنچا،ضلعی انتظامیہ کے مطابق سفولا اسٹوپا عمارت کی تعمیر و مرمت کا کام دوبارہ شروع کردیا گیا ہےسفولا اسٹوپا عمارت پاک افغان شاہراہ کے کنارے ایک پہاڑی چوٹی پر قائم ہے جسے کاشاں دور سلطنت میں تعمیر کیا گیا تھا،گندھارا تہذیب کی یہ قدیم عمارت خستہ حالی کا شکار تھی۔

دوسری جانب ماہرین آثار قدیمہ نے دنیا کے قدیم ترین قلعوں دریافت کیا ہے جن کو 8 ہزار سال قبل تعمیر کیا گیا تھاAmnya 1 اور 2 نامی قلعے سائبیریا میں دریافت کیے گئے،ماہرین کے مطابق دریائے Amnya کے ساتھ تعمیر کیے جانے والے یہ قلعے ممکنہ طور پر مچھلی کے شکار کو کنٹرول میں رکھنے کے لیے تعمیر کیے گئے تھے۔

جرنل Antiquity میں شائع رپورٹ کے مطابق ماہرین آثار قدیمہ نے ان قلعوں کے شواہد وہاں کی سطح پر موجود تلچھٹ، مٹی اور ملبے سے حاصل کیے جبکہ انہوں نے تیروں کے ٹکڑے بھی ڈھونڈے جو خطے میں پرتشدد تنازع کا عندیہ دیتے ہیں اس خطے میں 1987 سے 2000 کے دوران کھدائی کے دوران لکڑی کے جنگلے سے کی گئی حد بندی کے آثار بھی دریافت ہوئے تھے۔

اب نئی تحقیق میں بتایا گیا کہ یہ اب تک دریافت ہونے والے دنیا کے قدیم ترین قلعے ہیں ایک دیوار کے اندر انہیں 10 گڑھوں کے آثار ملے جسے Amnya 1 کا نام دیا گیادوسرے مقام پر انہوں نے قلعے جیسے اسٹرکچر کے باہر 10 جھونپڑے دریافت کیے اور اسے Amnya 2 کا نام دیا گیا اس طرح کی دفاعی تعمیرات کے بارے میں پہلے خیال کیا جاتا تھا کہ کاشتکاری کرنے والے معاشروں نے اس طرح کے قلعے تعمیر کرنا شروع کیے تھے۔

جرمنی کی Freie یونیورسٹی کی اس تحقیق میں بتایا گیا کہ یورپ میں اس طرح کے اسٹرکچر تعمیر شروع ہونے سے صدیوں قبل یہ قلعے تعمیر ہوئےمحققین کے مطابق ان مقامات سے اکٹھے کیے گئے نمونوں کی جانچ پڑتال سے ثابت ہوتا ہے کہ یہ ہزاروں سال قبل تعمیر ہوئے اور دنیا کے قدیم ترین قلعے ہیں نتائج سے انکشاف ہوتا ہے کہ مغربی سائبیریا میں لوگوں نے دستیاب وسائل کے مطابق منظم طرز زندگی کو اپنا لیا تھا۔

ان کا کہنا تھا کہ یہ نتائج ابتدائی انسانی معاشروں کے بارے میں ہمارے علم کو تبدیل کریں گے اور یہ خیال غلط ثابت ہوتا ہے کہ کاشتکاری شروع کرنے کے بعد ہی لوگوں نے مستقل آبادیاں تعمیر کرنا شروع کی تھیں۔