کراچی: گولیمار میں پولیس نے کارروائی کرتے ہوئے بلڈر کے دفتر میں ڈکیتی کرنے والے ملزمان کو گرفتار کرلیا۔
باغی ٹی وی : پولیس کے مطابق جوہر آباد پولیس کی کارروائی میں 5 رکنی ڈکیت گروہ گرفتار کرلیا گیا ہے، ڈکیت گروہ نے31 جولائی کو بلڈر کے دفتر میں 2 کروڑ 70لاکھ روپے کی ڈکیتی کی تھی۔
پولیس کا کہنا ہے کہ کارروائی میں ملزمان سے ایک کروڑ 26 لاکھ روپے ، موبائل فون اور لیپ ٹاپ برآمد کیے گئے ہیں ایس ایس پی سینٹرل کے مطابق واردات کی ریکی دفتر کے گرفتار ملازم شہزاد اور علی زین نے کی تھی۔
کوٹلی: پی ٹی آئی وزیر کو قتل کیس میں 14 سال بامشقت سزا
قبل ازیں لیاری میں رات گئے پولیس نے کومبنگ آپریشن کیا تھا اس دوران متعدد افراد کا ڈیٹا بایو میٹرک کے ذریعے چیک کیا گیا اور 3 افراد کو حراست میں لیا گیا تھا منگل اور بدھ کی درمیانی شب لیاری کے مختلف علاقوں کو عام آمد و رفت کے لیے مکمل طور پر بند کرتے ہوئے داخلی و خارجی راستے سیل کردیے گئے تھے جس کے بعد گھر گھر تلاشی کا عمل شروع کیا گیا آپریشن کے دوران متعدد ہوٹلوں کے ملازمین کے کوائف کی بھی تصدیق کی گئی ۔
واضح رہے کہ شہر قائد میں ڈکیتیوں کی وارداتوں میں روز بروز اضافہ ہو رہا ہے جب کہ لوٹ مار کے دوران مزاحمت پر فائرنگ کرنے کے واقعات بھی بڑھتے جا رہے ہیں، جس سے جرائم پیشہ افراد کی بے خوفی اور قانون نافذ کرنے والے اداروں کی ناکامی ظاہر ہوتی ہے۔
روجھان ، کچے میں ڈاکوؤں کیخلاف آپریشن،یوم شہداء کے روز ایک اور کانسٹیبل شہید
یکم اگست کو کراچی میں سپرہائی وے پر ڈاکوؤں نے لوٹ مار کی وارداتوں کے دوران فائرنگ کر کے آن لائن ڈلیوری رائیڈر کو قتل اور ایک شخص کو زخمی کردیا تھا جبکہ نارتھ کراچی اور مچھر کالونی میں ڈکیتی کی مختلف وارداتوں میں مزاحمت پر اے ایس آئی سمیت 2 افراد زخمی ہو گئے تھے-
ذرائع کے مطابق سپرہائی وے پر 48 گھنٹوں کے دوران ڈاکوؤں نے وارداتوں میں 2 افراد کی جان لے لی جب کہ 6 افراد کو فائرنگ کر کے زخمی کردیا تھا-
