سینئر اداکارہ بشری انصاری نے اپنے حالیہ انٹرویو میں کہا ہے کہ پاکستان کو مخلص لیڈر شپ کی ضرورت ہے ایسی لیڈر شپ کی ضرورت ہے جو پاکستان کو ترقی کی راہوں پر لیکر جائے. 76 سال اس ملک کو بنے ہوئے ہو گئے ہیں لیکن آج تک پاکستان ترقی اور خوشحالی کی طرف نہیں بڑھ سکا. انہوں نے کہا کہ پاکستان بنانے کے لئے ہمارے آباﺅ اجداد نے جو قربانیاں دی ہیں وہ آج اپنے خون کا حق مانگ رہی ہیں اور یہ اسی صورت میں ممکن ہے جب ہم پاکستان کو دنیا کے ان ترقی یافتہ ممالک کی صف میں کھڑا کریں گے جن کی مثالیں دی جاتی ہیں ۔
انہوں نے مزید یہ بھی کہا کہ ”ہمارے ساتھ بھارت آزاد ہوا تھا آج وہ کہاں سے کہاں پہنچ چکا ہے” اور ہم اندرونی لڑائی جھگڑوں میںپڑے ہوئے ہیں. انہوں نے کہا کہ ہم اگر آج بہت سارے ملکوں سے پیچھے ہیں تو اس میںہماری اپنی غلطی اور کوتاہیاں ہیں ہم نے کبھی اس ملک کا سوچا ہی نہیں ہے، دعا ہے کہ جلد اس ملک کو کوئی مخلص لیڈر شپ نصیب ہوجائے. ہم تو نہیںدیکھ سکے دعا ہے کہ ہماری آنے والی نسلیں ایک خوشحال ملک دیک سکے.