وزیر اطلاعات پنجاب عظمی بخاری نے پریس کانفرنس کرتے ہوئے کہا ہے کہ سموگ اس وقت سب سے بڑا مسئلہ بنا ہوا ہے، بھارت سے ہوا کا رخ پاکستان کی طرف ہے، چین جیسا ملک چھبیس سال سے سموگ سے لڑرہا ہے،
عظمی بخاری کا کہنا تھا کہ پنجاب میں دہلی آج سموگ میں ایک نمبر پر اور لاہور دوسرے نمبر پر ہے، دہلی کا ایئر کوالٹی انڈیکس تین سو ترانوے اور لاہور دو سو اسی کے قریب ہے، چھوٹے بچوں کو چھٹیاں دے دی گئی ہیں،وزیراعلیٰ مریم نواز بھارتی وزیراعلیٰ پنجاب کو خط لکھیں گی، جیسے ہی ہوا کا رخ اس طرف آتا ہے انڈیکس تبدیل ہوتا ہے، فارن آفس کے ذریعے خط بھیجا جائے گا،کل ایک خبر چھپی جس میں بتایا گیا کہ باقی صوبوں کی مالی حالت ٹھیک ہے پنجاب کی بری ہے، تین جون دو ہزار پچیس کو پنجاب واحد صوبہ ہوگا جو چھ سو تیس کا سرپلس بجٹ دے گا، پنجاب کو انیس سو باون کے بعد سے گندم کے قرض کے تمام پیسے ادا کردیئے ہیں، پنجاب نے ڈھائی سو ارب روپے واپس کردیئے ہیں، چھپن ارب روپے سالانہ پنجاب گندم کی مد میں ادا کرتا تھا، دو سو سات ارب سیکنڈ کوارٹر کے لئے رکھا گیا ہے،دو سو ارب روپے کی سرمایہ کاری کو پنجاب میں شامل کرلے تو پنجاب سرپلس ہے، مختلف نئے اکاؤنٹ کھول کر کام کیا جارہا ہے ،وزیراعلیٰ مریم نواز کے دور میں اخراجات پر کنٹرول کیا جو پہلے کبھی نہیں ہوا، پنجاب نے ٹی بلز میں 200ارب روپےسرمایہ کاری بھی کی ہے، آئی ایم ایف ٹی بلز کو کیش بیلنس کی شکل میں لیتا ہے،
عظمیٰ بخاری کا مزید کہنا تھا کہ بشریٰ بی بی کا روسٹرم پر آ کر رونا ایک اچھی حکمت عملی ہے، ہم نے مریم نواز کی آنکھیں سوجی ہوئی تو دیکھی ہیں لیکن اُنہیں کبھی روتے ہوئے نہیں دیکھا، وہ ایک مضبوط اعصاب کی مالک ہیں،بشریٰ بی بی کی مرضی اوراجازت سےن لیگ کیخلاف انتقامی کارروائیاں ہورہی تھیں،بقول بانی پی ٹی آئی کے رسیدیں تو ان کو دینی پڑیں گی،گنڈاپور اپنی ہی نوعیت کا نمونہ ہے جو اللہ نے بھیجا ہے،انہوں نے کوئی ایک نیا اسپتال یا تعلیمی ادارہ نہیں بنایا،ان کی بارہ تیرہ سال سے صوبے میں حکومت ہے، خیبرپختونخوا میں آگ لگی، ریسکیو کی گاڑیوں میں ڈیزل ختم ہوگیا، انہوں نے پنجاب کو دیکھ کر کہا کے پی میں ہم بھی ایئر ایمبولینس لائیں گے،
پنجاب حکومت کی جانب سے پی آئی اے کی خریداری کے حوالہ سے ایک سوال کے جواب میں عظمیٰ بخاری کا کہنا تھا کہ حکومت کا کام کاروبار کرنا نہیں ہوتا،پی آئی اے کو خریدنے کا پنجاب حکومت کا کوئی ارادہ نہیں، کاروبار کے حالات کو سازگار بنانا حکومت کا کام ضرور ہوتا ہے، کل گورنر سندھ بھی پی آئی اے والے معاملے پر بات کررہے تھے، کوئی بھی صوبائی حکومت اپنی ایئرلائن کو لانچ کرسکتی ہے، فی الحال صوبہ پنجاب میں ایسی کوئی تجویز نہیں،مریم نواز کے لندن جانے کا فیصلہ ڈاکٹروں کی مشاورت سے ہوگا۔
بشریٰ بی بی کمرہ عدالت میں رو پڑیں ،اپنے وکیلوں کو بھی کھری کھری سنا دیں
بشریٰ بی بی کی ضمانت ،سپریم کورٹ میں چیلنج
بشریٰ بی بی پیش نہ ہوئی،نیب پراسیکیوٹر کا وارنٹ جاری کرنے کی استدعا
مؤکلوں کا رخ زمان پارک کی طرف،بشریٰ بی بی بھی پہنچ گئیں
وکیلوں پر کبھی اعتبار نہیں کرنا چاہیے،عمران خان پھٹ پڑے
شیر افضل مروت نے علی امین گنڈاپور کی سب”چالیں”عمران خان کو بتا دیں
