بزدار حکومت شہریوں کو کورونا سے محفوظ رکھنے کے لئے سب سے آگے
پنجاب میں ”ریچ ایوری ڈور“(RED)مہم کے تحت 58 فیصد آبادی کو مکمل طور پر ویکسی نیٹ کردیا گیا وزیراعلیٰ آفس میں ویکسی نیشن مہم میں نمایا ں کارکردگی کا مظاہرہ کرنے والے افسروں اور عملے کے اعزاز میں خصوصی تقریب ہوئی، وزیراعلیٰ پنجاب سردارعثمان بزدارتقریب کے مہمان خصوصی تھے وزیراعلیٰ عثمان بزدار نے نمایا ں کارکردگی کامظاہرہ کرنے والے اضلاع کے ڈپٹی کمشنرز اور چیف ایگزیکٹو آفیسرز ہیلتھ میں شیلڈز تقسیم کیں ،وزیراعلیٰ عثمان بزدارنے متعلقہ اضلاع کے ڈپٹی کمشنرز اورچیف ایگزیکٹو آفیسرز ہیلتھ کی کارکردگی کی تعریف کی، وزیراعلیٰ عثمان بزدار نے ”ریچ ایوری ڈور“(RED) تھری مہم کا کل سے باقاعدہ آغاز کرنے کا اعلان کیا
وزیراعلیٰ پنجاب عثمان بزدار کا کہنا تھا کہ ”ریچ ایوری ڈور“(RED) تھری مہم کا پہلا فیز 14 فروری تک جاری رہے گا-
تمام ڈیپارٹمنٹس، ضلعی انتظامیہ اور فیلڈ ٹیمیں مہم کی کامیابی کیلئے بڑھ چڑھ کر حصہ لیں -کورونا پوری دنیا کے لئے چیلنج ہے-کوروناکے خلاف جنگ زیادہ سے زیادہ آبادی کو ویکسینیٹ کرکے ہی جیتی جاسکتی ہے۔ ویکسینیشن اور احتیاط ضروری ہے۔زیادہ سے زیادہ افراد کو ویکسی نیشن لگانے کے لئے حکومت سرگرم عمل ہے-پنجاب حکومت نے شہریوں کی زندگیوں کے تحفظ کیلئے بڑے پیمانے پر ویکسینیشن مہم شروع کی ہے۔شہریوں کو ان کے گھروں میں جا کر کورونا ویکسین لگائی جارہی ہے۔کورونا سے نجات کا واحد حل ویکسینیشن ہے۔ عوام سے اپیل کرتا ہوں کہ ویکسین لازمی لگوائیں۔پنجاب اللہ تعالیٰ کے فضل و کرم سے ویکسی نیشن ٹارگٹ کے لحاظ سے تمام صوبوں میں سرفہرست ہے۔ ٹارگٹ کے حصول کا حصول یہ کام ویکسی نیشن ٹیموں کی لگن اور انتظامی افسروں کی کاوشوں سے پایہ تکمیل کو پہنچ رہا ہے۔ مشکل حالات کے باوجود آپ سب نے ٹیم ورک کامظاہرہ کیا-آپ سب کارخیر میں حصہ لے رہے ہیں،یہ آپ کی ذمہ داری بھی ہے اورنیک نامی بھی-کورونا کے خلاف جنگ ہر محاذ پر مل کر لڑیں گے او رسرخرو ہوں گے-
ڈاکٹر یاسمین راشد کا کہنا تھا کہ کورونا ویکسی نیشن کے حوالے سے وزیراعلیٰ عثمان بزدار نے ہمیشہ بھرپور سپورٹ کیا-چیف سیکرٹری کامران افضل کا کہنا تھا کہ مہم کے دوران بہترین کارکردگی کامظاہرہ کرنے والے اضلاع کے افسران کی حوصلہ افزائی ضروری ہے-وزیراعلیٰ عثمان بزدار نے میانوالی، بھکر، ڈیرہ غازی خان، راجن پور، سرگودھا، اوکاڑہ کے ڈپٹی کمشنرزاورچیف ایگزیکٹو آفیسرز ہیلتھ کو شیلڈز دیںوزیراعلیٰ عثمان بزدار نے قصور، چنیوٹ،ساہیوال، ملتان،ٹوبہ ٹیک سنگھ اورلودھراں کے ڈپٹی کمشنرز اورچیف ایگزیکٹو آفیسرز ہیلتھ میں شیلڈ ز تقسیم کیں ،وزیراعلیٰ عثمان بزدار نے اٹک، پاکپتن، گوجرانوالہ،وہاڑی، حافظ آباداورخانیوال کے ڈپٹی کمشنرز اور چیف ایگزیکٹو آفیسرز ہیلتھ کو شیلڈز دیں
وزیراعلیٰ عثمان بزدار نے مہم کے تحت زیادہ سے زیادہ شہریو ں کو کورونا ویکسین لگانے کے حوالے سے متعلقہ اضلاع کے حکام کی کارکردگی کو سراہا
