وزیراعلظم عمران خان کے ویژن کے مطابق اور وزیر اعلی عثمان بزدار کی ہدایت پر پنجاب حکومت کا تعمیراتی شعبے کے فروغ اور معاشی استحکام کیلئے شاندار پیکیج کا اعلان .
تعمیراتی شعبے سے متعلقہ اجازت ناموں کے حصول کیلئے ون ونڈو سسٹم متعارف کرا دیا گیا ہے۔ تعمیرات سے متعلقہ این او سی اور نقشہ جات کی منظوری اب ای خدمت مراکز سے ہو گی۔ ای خدمت مراکز میں ضروری اجازت نامے بغیر رشوت اور آسانی سے مل سکیں گے ۔
عوام کو اب فائلیں اٹھائے دفاتر کے چکر نہیں لگانے پڑیں گے ۔ حکومت پنجاب نے تعمیراتی شعبے سے متعلقہ خدمات کے این او سی کے اجراء کے لیے ٹائم فریم مقرر کر دیا ہے۔ حکومت درخواست گزار کو مقررہ مدت میں این او سی اور اجازت نامے جاری کرنے کی پابند ہوگی۔ رہائشی یا کمرشل عمارتوں کی تعمیر کیلئے نقشے کی منظوری 30 دن اور کمرشلائزیشن یا لینڈ کنورژن کا این او سی صرف 45 دن میں درخواست گزار کو مہیا کیا جائے گا۔ نئی ہاوسنگ سکیموں کی منظوری ڈویلمںنٹ اتھارٹیز سے 60 روز اور ٹی ایم ایز سے 75 روز میں ہوگی۔ ان خدمات کیلئے ماضی میں عوام کو کئی کئی ماہ دفاتر کے چکر کاٹنے پڑتے تھے۔ عثمان بزدار
تعمیراتی شعبے سے متعلقہ ان انقلابی اصلاحات سے کرپشن اور مافیا کے تاخیری حربوں کا مکمل خاتمہ ہوجائے گا۔ پنجاب میں ای گورننس سے معمولات زندگی اور طرز زندگی کو بہتر بنایا جارہا ہے۔ پنجاب میں ہر سطح پر عوام کے لیے آسانیاں پیدا کر رہے ہیں۔ ڈویژنل ہیڈکوراٹرز میں قائم ای خدمت مراکز میں ون ونڈو آپریشن کا باقاعدہ آغاز ہوچکا ہے۔ تعمیراتی شعبے سے متعلقہ 32 خدمات سمیت مجموعی طور پر 78 خدمات ان مراکز سے حاصل کی جاسکتی ہیں۔ Ease of Doing Business کے فروغ کیلئے کئے جانے والے ہمارے اقدامات معاشی بحالی کے ضامن ہیں۔ عام شہریوں اور کاروباری حضرات کیلئے پنجاب کو Most Favourite Destination بنا رہے ہیں۔ دوسرے مرحلے میں اگست کے پہلے ہفتے سے ان خدمات کا دائرہ ضلعی سطح تک بڑھائیں گے۔ پنجاب کے 36 اضلاع میں عوام تعمیراتی شعبے میں سہولت کیلئے ان خدمات سے فائدہ اٹھا سکے گی. ٹیکنالوجی کے ذریعے ایک فرسودہ سسٹم کو عوام کی سہولت کیلئے آسان ترین بنادیا ہے۔ اس اقدام سے نا صرف قیمتی وقت بچے گا بلکہ فائل چلانے کے لئے رشوت کا بھی خاتمہ ہو گا ۔ عوام کو ان کے حقوق کی ایک ہی چھت تلے بلا حیل و حجت فراہمی نئے پاکستان کی جانب ایک اہم قدم ہے ۔ وزیر اعلی عثمان بزدار.
