فرانس: شخص نے بیوی اور 4 بچوں کو بیدردی سے قتل کر دیا

فرانس میں ایک گھر سے خاتون اور ان کے 4 بچوں کی لاشیں ملی ہیں جس پر پولیس نے ایک مشتبہ شخص کو حراست میں لے لیا۔

باغی ٹی وی: عالمی خبر رساں ادارے کے مطابق فرانس کے شہر میوکس میں مقتولین کے رشتے دار اُن سے ملنے گھر آئے تھے دروازہ نہ کھولےجانے پر انہوں نے پولیس کو اطلاع دی تھی،پولیس گھر کے اندر داخل ہوئی تو خون میں لت پت 5 لاشیں پڑی ہوئی تھیں اور مقتولہ کا شوہر لاپتا تھا جب کہ گھر میں کوئی توڑ پھوڑ کی گئی تھی اور نہ ہی کچھ چوری کیا گیا تھا پیرس کے شمال مشرق میں 40 کلومیٹر (25 میل) دور میوکس کے ایک فلیٹ میں ان کی پانچ لاشیں ملنے کے بعد تحقیقات کا آغاز ہوا۔

پڑوسی نے کئی بار خاندان تک پہنچنے کی کوشش کی اور جب اس نے دیکھا کہ شٹر نیچے ہیں، تو اس نے فیصلہ کیا کہ کچھ غلط ہےاس نے فرانسیسی میڈیا کو بتایا کہ اسے دروازے کے ہینڈل اور دروازے کے سامنے خون ملا تھا اور پھر پولیس کو بلایاپولیس نے سی سی ٹی وی فوٹیج کی مدد سے ملزم کا سراغ لگایا، بالآخر اسے قریبی سیوران میں اس کے والد کے گھر سے گرفتار کر لیا۔

عراق،ایئر بیس پر حملے میں امریکی زخمی،امریکہ کا بھی جوابی حملہ

مسٹر بلیڈیئر نے کہا کہ ملزم گھریلو تشدد کے ایک سابقہ ​​کیس کی وجہ سے پولیس کو مطلوب تھا، حالانکہ اس کا کوئی مجرمانہ ریکارڈ نہیں تھا پراسیکیوٹر کے مطابق، 2019 میں، جوڑے کے تیسرے بچے کی پیدائش سے ایک ماہ قبل، مشتبہ شخص نے اپنے ساتھی پر چاقو سے حملہ کیا۔

ورسیلز جوڈیشل پولیس سروس قتل کی تحقیقات کر رہی ہے۔ گھر سے جن 4 بچوں کی لاشیں ملی ہیں ان کی عمریں 9 ماہ سے 10 سال کے درمیان ہیں جبکہ خاتون کی عمر 30 سال کے لگ بھگ ہے پولیس مقتولہ کے شوہر اور بچوں کے 33 سالہ والد کی تلاش میں تھی پولیس نے ایک مشتبہ شخص کو حراست میں بھی لیا ہے جس کی شناخت ظاہر نہیں کی گئی تاہم امکان ظاہر کیا جا رہا ہے کہ یہ مقتولہ کا شوہر ہی ہے-

جمیعت اہلحدیث کے امیر کا ملک و قوم کیلئے خدمات پر نواز شریف کو …

فرانس میں بچوں کے قتل کا یہ تیسرا واقعہ ہے۔ نومبر کے آخر میں 41 سالہ شخص نے اپنی 4، 10 اور 11 سالہ بیٹیوں کو قتل کرکے خودکشی کرلی تھی جب کہ اکتوبر میں بھی ایک پولس اہلکار نے اپنی 3 بیٹیوں کو قتل کرنے کے بعد خودکشی کی تھی۔