ویکسین لگوانے والے افراد بغیر ماسک رہ سکتے ہیں یا نہیں:ماہرین طب نے بتادیا
![](https://baaghitv.com/wp-content/uploads/2021/04/usvaccine.next_960x540.jpg)
نیویارک :ویکسین لگوانے والے افراد بغیر ماسک رہ سکتے ہیں یا نہیں:ماہرین طب نے بتادیا،اطلاعات کے مطابق امریکا کے سینٹرز فار ڈیزیز کنٹرول اینڈ پری وینشن نے کورونا وائرس میں احتیاط اور ویکسینیشن مکمل کرنے والے افراد کیلئے نئی ہدایات جاری کی ہیں۔
سی ڈی سی کا کہنا ہے کہ ایسے افراد جنہوں نے کورونا سے بچاؤ کی ویکسین لگوالی ہے وہ ماسک کے بغیر بیرونی سرگرمیوں میں حصہ لے سکتے ہیں۔
سی ڈی سی کا کہنا ہے کہ ایسے افراد اکیلے یا اپنے اہل خانہ کے ساتھ چہل قدمی، دوڑ، ہائیکنگ اور بائیکنگ وغیرہ کی سرگرمیوں میں حصہ لے سکتے ہیں۔
سی ڈی سی کے مطابق ویکسینیشن کا کورس مکمل کرنے والے افراد چھوٹے موٹے آؤٹ ڈور ایونٹس میں شرکت کرسکتے ہیں بشرطیکہ اس میں شریک تمام افراد ویکسین لگواچکے ہوں۔
سی ڈی سی کے مطابق اگر کسی تقریب میں ویکسین نہ لگوانے والے افراد بھی موجود ہوں تو حرج نہیں، ویکسین لگوانے والے افراد دوستوں اور اہل خانہ کے ساتھ آؤٹ ڈور ڈائننگ بھی کرسکتے ہیں