پشاور:کیپٹل سٹی پولیس پشاور (ٹاون میں فائرنگ کا واقعہ)پولیس کے لیے معمہ اور بہت بڑا چیلنج بن گیا ،اطلاعات کے مطابق ابتدائی تفصیلات کے مطابق تھانہ ٹاون کے علاقے اولڈ باڑہ روڈ پر واقع اپارٹمنٹ میں فائرنگ ہوئی ہے جس سے اپارٹمنٹ میں موجود لڑکی مسماۃ (م) لگ کر جان بحق ہوئی ہے جبکہ ایک خاتون مسماۃ (ن) زوجہ ذاکر حسین، (ف) دختر ذاکر حسین، شام و عبداللہ پسران ذاکر حسین اور اپارٹمنٹ میں موجود مہمان مسماۃ (ا) دختر اعظم لگ کر زخمی ہوئے ہیں
پولیس نے اطلاع ملتے ہی فوری موقع پر پہنچ کر ڈیڈ باڈی کو پوسٹ مارٹم رپورٹ کے لئے ہسپتال منتقل کر دیا ہے جبکہ دیگر زخمیوں کو طبی امداد کی خاطر ہسپتال منتقل کر دیا گیا ہے
پولیس ٹیم نے متعلقہ اپارٹمنٹ اور اطراف میں لگے سی سی ٹی وی کیمروں کی ریکارڈنگ حاصل کر لی ہے جبکہ ملزمان سے متعلق ابتدائی تفتیش کے دوران پولیس کو اہم شواہد ملے ہیںتفتیشی ٹیم کی جانب سے جلد ملزمان کو بے نقاب کرنے کا عندیہ دیا گیا ہےمزید کسی بھی پیش رفت سے میڈیا کو اگاہ کر دیا جائے گا
یاد رہے کہ چند دن پہلے بھی ایک خطرناک واردات نےپشاور پولیس کی صلاحیتوں کو چیلنج کردیا تھا ،جس میں صوبۂ خیبر پختون خوا کے دارالخلافہ پشاور میں بھتہ نہ دینے پر 2 افراد کو فائرنگ کر کے قتل کر دیا گیا۔
پشاور پولیس نے کارروائی کرتے ہوئے 2 ملزمان کو گرفتار کر لیا ہے۔پولیس کے مطابق پشاور کے نواحی علاقے بڈھ بیر میں مبینہ بھتہ خوروں نے بھتہ نہ دینے پر 2 افراد کو فائرنگ کر کے قتل کر دیا۔
مقتولین کی شناخت نور اسلام اور عزیز کے نام سے ہوئی ہے، جن کی لاشیں پوسٹ مارٹم کے لیے اسپتال منتقل کر دی گئی ہیں۔پولیس کے مطابق واقعے میں ملوث 2 ملزمان خان ریز اور شاہد علی کو گرفتار کر لیا گیا ہے۔