Category: حیدرآباد

ٹھٹھہ ،باغی ٹی وی(بلاول سموں) صوبائی سیکریٹری برائے اوقاف، مذہبی امور، زکوات و عشر جاوید صبغت اللہ مہر نے کہا ہے کہ سندھ صوفی بزرگوں اور درویشوں کی سرزمین ہے، جنہوں نے ہمیشہ امن، محبت، پیار، رواداری، بھائی چارے اور اخوت کا درس دیا ہے۔ ان کی تعلیمات پر عمل کرنا ہم سب کا فرض ہے۔ انہوں نے مزید کہا کہ سندھ کے بزرگوں کی درگاہیں ہماری روحانیت کا قیمتی اثاثہ ہیں، جو لوگوں کو فیض و برکتوں کا ذریعہ فراہم کرتی ہیں۔

یہ بات انہوں نے سندھ کے عظیم صوفی بزرگ حضرت عبداللہ شاہ اصحابی کی مزار پر چادر چڑھانے کے بعد دعا کرتے ہوئے کہی۔ صوبائی سیکریٹری جاوید صبغت اللہ مہر کا کہنا تھا کہ درگاہوں پر آنے والے زائرین و عقیدتمندوں کو بہترین سہولتیں فراہم کرنا محکمہ اوقاف کی اولین ترجیحات میں شامل ہے۔ انہوں نے اس عزم کا اظہار کیا کہ درگاہوں کے تقدس کو ہر صورت برقرار رکھا جائے گا۔

اس موقع پر، انہوں نے حضرت عبداللہ شاہ اصحابی کی درگاہ کے احاطے میں بنائے گئے شیلٹرز کا معائنہ کیا اور زائرین کے لیے نئے مسافر خانہ اور کمروں کی تعمیر کے کام میں سست روی پر برہمی کا اظہار کیا۔ صوبائی سیکریٹری نے متعلقہ افسران کو ہدایت کی کہ مسافر خانہ اور کمروں کی تعمیر کے ساتھ ساتھ واش رومز کی مرمت کے لیے فوری اقدامات کیے جائیں تاکہ زائرین کو بہتر سہولتیں فراہم کی جا سکیں۔

انہوں نے مزید کہا کہ حضرت عبداللہ شاہ اصحابی کے سالانہ عرس مبارک کے موقع پر (جو 12 تا 14 فروری 2025ء تک جاری رہے گا) دربار کے اطراف کی مکمل مانیٹرنگ کے لیے سی سی ٹی وی کنٹرول روم کے قیام، واک تھرو گیٹس کی تنصیب، پینے کے صاف پانی، وضوء، واش رومز، مسافر خانہ اور لنگر کے انتظامات کو مکمل طور پر یقینی بنایا جائے تاکہ زائرین کو کسی بھی قسم کی پریشانی کا سامنا نہ ہو۔

اس کے بعد، صوبائی سیکریٹری جاوید صبغت اللہ مہر نے مخدوم محمد ہاشم ٹھٹھوی لائبریری مکلی کا بھی دورہ کیا اور اس کی مرمت اور تزئین و آرائش کے کام کا جائزہ لیا۔ انہوں نے چیف ایڈمنسٹریٹر اوقاف کو ہدایت کی کہ لائبریری کے کام کو جلد از جلد مکمل کیا جائے تاکہ اس کو فعال اور مفید بنایا جا سکے۔

ٹھٹھہ(بلاول سموں کی رپورٹ) باغی ٹی وی کی 13ویں سالگرہ کا کیک عوامی پریس کلب مکلی میں کاٹا گیا

تفصیلات کے مطابق ٹھٹھہ میں باغی ٹی وی کی 13ویں سالگرہ کی تقریب عوامی پریس کلب مکلی میں منعقد ہوئی، جہاں ڈسٹرکٹ رپورٹر اور صدر عوامی پریس کلب بلاول سموں کی میزبانی میں سالگرہ کا کیک کاٹا گیا۔ اس موقع پر ضلع ٹھٹھہ کے صحافیوں اور سماجی شخصیات نے بھرپور شرکت کی۔

تقریب میں سینئر صحافی جاوید لطیف میمن، ساجد شیخ، پیرل پیاسی ملاح، عمر سرائی، فاروق شیخ، کامریڈ زاہد جوکھیو، راجا میمن، مختیار چانڈیو، عبد الستار میر بحر، خالد کیہر اور مظہر سمیت ایوانِ صحافت ٹھٹھہ کے صدر علی اکبر دلوانی، انفارمیشن سیکریٹری لالا شعیب پٹھان اور قومی عوامی تحریک کے رہنما بشیر اللہ سموں نے خصوصی طور پر شرکت کی۔

ایوانِ صحافت ٹھٹھہ کے صدر علی اکبر دلوانی اور دیگر مقررین نے تقریب سے خطاب کرتے ہوئے کہا کہ باغی ٹی وی نے ہمیشہ مظلوموں کی آواز اعلیٰ ایوانوں تک پہنچانے میں نمایاں کردار ادا کیا ہے۔ انہوں نے بلاول سموں کی صحافتی خدمات کو سراہتے ہوئے کہا کہ وہ ہمیشہ غریب اور مسکینوں کے ساتھ کھڑے رہے ہیں۔

تقریب میں بلاول سموں نے مہمانوں کا شکریہ ادا کرتے ہوئے کہا کہ باغی ٹی وی مشہور اینکرپرسن مبشر لقمان کی قیادت اور ممتازحیدراعوان ادارت میں ڈیجیٹل میڈیا کے میدان میں کامیابی کے جھنڈے گاڑ رہا ہے۔ انہوں نے غلام مصطفیٰ بڈانی کی خدمات کو بھی سراہا، جنہوں نے باغی ٹی وی کی مقبولیت میں اہم کردار ادا کیا۔

تقریب کے اختتام پر باغی ٹی وی کی جانب سے ڈسٹرکٹ رپورٹر بلاول سموں کو تعریفی سرٹیفکیٹ پیش کیا گیا، جو سینئر صحافی جاوید لطیف میمن کے ہاتھوں وصول کیا گیا۔

ٹھٹھہ،باغی ٹی وی (نامہ نگاربلاول سموں)ایس ایس پی ٹھٹھہ ڈاکٹر محمد عمران خان کی قیادت میں پولیس ہیڈکوارٹر ٹھٹھہ میں پولیس افسران اور جوانوں کے لیے سندھ پولیس ہیلتھ کیئر پروگرام کی آگاہی کے حوالے سے ایک خصوصی پولیس دربار کا انعقاد کیا گیا۔

یہ دربار حکومت سندھ اور آئی جی پی سندھ غلام نبی میمن کی خصوصی ہدایات پر منعقد کیا گیا، جس کا مقصد سندھ پولیس ویلفیئر کے لیے اسٹیٹ لائف کے اشتراک سے جاری ہیلتھ کارڈ اسکیم کے بارے میں معلومات فراہم کرنا تھا۔

ایس ایس پی ڈاکٹر محمد عمران خان نے شرکاء کو ہیلتھ کارڈ کے استعمال، اس کی ایپلیکیشن کے طریقہ کار، اور اس سے حاصل ہونے والے فوائد کے بارے میں تفصیلی بریفنگ دی۔ انہوں نے حاضر سروس پولیس افسران کو یقین دلایا کہ ان کی صحت اور بہبود محکمہ پولیس کی اولین ترجیح ہے۔ اجلاس کے دوران شرکاء کو عملی مظاہروں کے ذریعے ایپلیکیشن کے استعمال کا طریقہ سمجھایا گیا تاکہ وہ اس سہولت کا مکمل فائدہ اٹھا سکیں۔

ایس ایس پی ٹھٹھہ نے کہا کہ ہیلتھ کارڈ اسکیم سندھ حکومت اور آئی جی پی سندھ غلام نبی میمن کی کاوشوں کا نتیجہ ہے، جو پولیس افسران اور ان کے خاندانوں کی صحت کی ضروریات کو پورا کرنے میں معاون ثابت ہوگی۔

اجلاس میں شریک پولیس اہلکاروں نے اس اقدام کو سراہتے ہوئے اپنی بھرپور دلچسپی کا اظہار کیا اور اس اسکیم کو ایک مثبت پیش رفت قرار دیا، جو ان کے اور ان کے خاندانوں کے لیے صحت کے میدان میں ایک نئی امید لائے گی۔

ٹھٹھہ،باغی ٹی وی (نامہ نگار بلاول سموں)ایم کیو ایم کے حق پرست اراکین سندھ اسمبلی راشد خان ایڈووکیٹ‘ انجینئر صابر حسین قائم خانی اور ناصر حسین قریشی نے حکومت سندھ سے مطالبہ کیا کہ سندھ پبلک سروس کمیشن کے معاملات کی شفاف تحقیقات کروائی جائیں سندھ پبلک سروس کمیشن کی شہری سندھ کے ساتھ زیادتیوں کی انتہا کر دی ہے

سندھ پبلک سروسکمیشن کی نااہلی اور جانبداری کے باعث سی سی ای کے امتحانات میں شہری سندھ سے امیدوران کو فیل کیا گیا اور سی سی ای کی شہری سندھ کی 28نشستیں خالی رہ گئیں جبکہ دیہی سندھ سے تمام سیٹیں پر کر لی گئیں اسی طرح دیگر امتحانات میں بھی اہل امیدواروں کو جان بوجھ کر فیل کیا جاتا ہے اور من پسند امیدوران کو سفارش یا دیگر وجوہات کی بناءپر پاس کیا جاتا ہے

حق پرست اراکین سندھ اسمبلی نے کہا کہ سندھ پبلک سروس کمیشن نے طے کر لیا ہے کہ شہری سندھ کے امیدواروں کو ملازمتیں نہیں دینی ہیں اس لئے اہل اور ہونہار طلبہ و طالبات کو مختلف ہتھکنڈوں کے ذریعے روکا جا رہا ہے۔