راکھی ساونت کا عمرہ کی ادائیگی سے نئے سال کا آغاز

ممبئی: راکھی ساونت نے عمرہ کی ادائیگی سے اپنے نئے سال کا آغاز کیا ہے-

باغی ٹی وی: معروف بھارتی اداکارہ ، رقاصہ راکھی ساونت نے دو سال قبل دائرہ اسلام میں داخل ہونے کے بعد ایک ہندوستانی مسلمان عادل درانی سے شادی کی تھی اور اپنا نام بدل کر فاطمہ رکھ دیا تھا ان کی شادی کامیاب نہیں ہوئی تاہم، راکھی نے اسلامی روایات کے مطابق خود کو ڈھالنے کا عمل جاری رکھا اور گزشتہ سال اپنے شوہر سے علیحدگی کے بعد عمرہ ادا کیا۔

اب راکھی ساونت نے نئے سال کے آغاز پر عمرہ ادا کرتے ہوئے ایک ویڈیو جاری کی ہے، فی الحال راکھی ساونت مدینہ میں ہیں جہاں سے وہ خانہ کعبہ جائیں گی اور عمرہ ادا کریں گی،اپنی ویڈیو میں راکھی نے کہا،دنیا نیا سال منا رہی ہے، اور ہم یہاں زیارت پر ہیں، اپنے نئے سال کا آغاز اس روحانی سفر کے ساتھ کرنا میرے لیے بہت خوش کن ہے۔

مقدمہ ہارنے پر شخص نے اپنے وکیل کو اغوا کرلیا

ویڈیو میں راکھی کہتی ہیں کہ مجھے یقین ہے کہ 2025 میرے لیے حیرت انگیز ہوگا کیونکہ میں نے اس کی شروعات عمرے سے کی ہے لوگ دعا کر رہے ہیں، اور میں اپنے تمام دوستوں اور ضرورت مندوں کے لیے دعا کر رہی ہوں، سب کو عقیدت اور سکون کے ساتھ عمرہ ادا کرتے ہوئے دیکھ کر بہت سکون کا احساس ہورہا ہے۔

افغان خواتین سے یکجہتی،انگلینڈ کا افغانستان کے خلاف میچ کے بائیکاٹ کا مطالبہ