کویت پلٹ اپنے کاروباری پارٹنر کے ہاتھوں لٹ گیا

باغی ٹی وی -جلالپوربھٹیاں(شاہد کھرل) جلالپوربھٹیاں میں قائم عظیم ہنڈا شو روم کے پروپرائیٹر کا بڑا فراڈ، اپنے ہی 20 سالہ پارٹنر کویت پلٹ ملک عمران سے کروڑوں روپے ہتھیا لیئے، شوروم میں سے موٹر سائیکل بھی غائب، ملک عمران کا وزیراعظم پاکستان میاں محمد شہبازشریف، وزیراعلی پنجاب چوہدری پرویزالٰہی، آرپی او گوجرانولہ اور ڈی پی او حافظ آباد سے نوٹس لینے کا مطالبہ، تفصیلات کے مطابق جلالپوربھٹیاں کے رہائشی کویت پلٹ نے عرصہ 20 سال قبل نواحی گاؤں کوٹ دائم کے رہائشی محمد عظیم ثھیٹھیا سے موٹر سائیکل کے کاروبار میں پارٹنرشپ کی، حافظ آباد روڈ پہ اپنے پیسوں سے جگہ خرید کر اپنے ہی پیسوں سے بلڈنگ تعمیر کرواکے ہنڈا شو روم کے نام سے کاروبار کیا اور ہنڈا کی ایجنسی تحریری معاہدہ کے تحت اپنے پارٹنر محمد عظیم ثھیٹھیا کے نام کروادی، جب کام چل پڑا تو محمد عظیم ثھیٹھیا بد نیت ہوگیا اور بہانے بہانے سے تنگ کرنے لگا،چند روز قبل ہنڈا شو روم سے راتوں رات کروڑوں روپے کے موٹر سائیکلیں بمعہ کاغزات اور نقدی لیکر رفو چکر ہوگیا، الٹا چور کوتوال کو ڈانٹے کے مصداق پارٹنرشپ کے معاہدہ کے تحت ملک عمران کو خود اپنے ہاتھوں دیئے گئے چیکوں کی اپنے ہی پارٹنرز ملک عمران کیخلاف چیک چوری کی درخواست دیدی، ملک عمران نے وزیر اعظم پاکستان میاں محمد شہباز شریف، وزیر اعلیٰ پنجاب چوہدری پرویزالٰہی، آئی جی پنجاب، آرپی او گوجرانولہ اور ڈی پی او حافظ آباد سے مدد کی اپیل کی یے،