سعد فاروق
نائب وزیراعظم اور وزیر خارجہ اسحاق ڈار نے سینیٹ میں خطاب کرتے ہوئے واضح کیا ہے کہ پاکستان نے نہ تو جنگ بندی کی درخواست کی اور نہ ہی کسی تیسرے ملک سے ثالثی کی اپیل کی۔ ان کے مطابق، جنگ بندی کی پیشکش بھارت کی جانب سے کی گئی تھی۔
اسحاق ڈار نے بتایا کہ 10 مئی کی صبح امریکی وزیر خارجہ کا فون آیا، جنہوں نے آگاہ کیا کہ بھارت جنگ بندی کے لیے تیار ہے۔ اس موقع پر پاکستان کی جانب سے مؤقف اپنایا گیا کہ اگر بھارت کارروائی روکتا ہے تو پاکستان بھی اپنے آپریشن کو روک دے گا، کیونکہ یہ جنگ پاکستان نے شروع نہیں کی بلکہ صرف دفاع کا حق استعمال کیا گیا۔
🔹 "ہم نے 6 بھارتی طیارے مار گرائے”
نائب وزیراعظم کے بیان کے مطابق، پاکستان نے نہ صرف میدان جنگ میں بھارت کو جواب دیا بلکہ سفارتی محاذ پر بھی اسے شکست دی۔ اس سے قبل وزیراعظم شہباز شریف نے بھی اعلان کیا تھا کہ پاکستان نے بھارتی فضائیہ کے 6 طیارے تباہ کیے۔
🔹 جنگ بندی 18 مئی تک، مذاکرات کی راہ ہموار
اسحاق ڈار نے کہا کہ پاکستان نے دنیا پر واضح کر دیا ہے کہ بات چیت صرف کمپوزٹ مذاکرات کے ذریعے ہی ممکن ہے۔ ان کا کہنا تھا کہ سیز فائر 18 مئی تک جاری رہے گی، اور اب سیاسی سطح پر مذاکرات کا آغاز ہوگا۔ فوجی رابطے جاری ہیں، تاہم معاملات کا حل بالآخر سفارتی سطح پر ہی نکالا جائے گا۔
🔹 سینیٹ کی متفقہ قرارداد
آج کے اجلاس میں سینیٹ نے بھارتی جارحیت کے خلاف پاکستانی مسلح افواج کی جوابی کارروائی پر مکمل اعتماد کا اظہار کیا اور ایک متفقہ قرارداد منظور کی گئی جس میں افواج پاکستان کو خراج تحسین پیش کیا گیا۔
پی ایس ایل 10، غیر ملکی کھلاڑیوں نے پاکستان آنے پر آمادگی ظاہر کر دی
گوگل نے 10 سال بعد اپنے لوگو کے "G” حرف کا ڈیزائن تبدیل کر دیا
پاکستان کی حمایت،بھارت نے ترک کمپنی کی سیکیورٹی کلیئرنس منسوخ کر دی
پیٹرول اور ڈیزل سستا نہیں، مہنگا ہونے کا امکان
ہم جنگ نہیں چاہتے مگر دفاع کرنا جانتے ہیں، بلاول بھٹو زرداری
