کینال گارڈن کمیونٹی میں شجرکاری مہم ،بچوں نے لگائے پورے

کینال گارڈن کمیونٹی کے زیر اہتمام سرسبز پاکستان اور صفائی مہم کے سلسلے میں سوسائٹی میں درخت لگانے، صفائی ستھرائی کرنے اور سوسائٹی کو خوبصورت بنانے کے سلسلے میں ایک تقریب ہوئی

باغی ٹی وی کی رپورٹ کے مطابق تقریب کے مہمان خصوصی قاسم علی شاہ، ممتاز ورسٹائل مزاحیہ اداکار جناب اشرف خان، سماجی شخصیت جناب اشفاق بھٹی تھے۔ اس کے علاوہ مقامی سماجی شخصیات اور رہائشی افراد نے اپنے بچوں کے ہمراہ بڑی تعداد میں اس سرگرمی میں حصہ لیا۔

تقریب سے خطاب کرتے ہوئے قاسم علی شاہ نے درختوں کی اہمیت کو مثالوں کے زریعے انتہائ سادہ الفاظ مگر پر اثر انداز میں اجاگر کیا۔اور ایک اچھے کام کے آغاز کی ان کاوشوں کو سراہا۔ تقریب سے اشرف خان نے بھی خطاب کیا اور بچوں کو محظوظ کیا،وہ بچوں میں گھل مل گئے اور ان کے ساتھ تصاویر بنوائیں۔

یو سی چیئرمین اشفاق بھٹی، کینال گارڈن کمیونٹی کے سرپرست اعلیٰ جمیل بٹ صاحب، کمیونٹی کے روح رواں معظم اور دیگر افراد نے بھی اس موقع پر اظہارِ خیال کیا۔ بچوں نے نظمیں،اسماء الحسنیٰ سنائے اور انعامات حاصل کیے۔

پودے لگانے کے کام کا افتتاح مہمانان خصوصی نے اپنے ہاتھ سے پودا لگا کر کیا۔ ننھے بچوں بڑوں نے برابر زوق و شوق سے پودے لگانے کے کام میں حصہ لیا۔ آخر میں دعا سے تقریب اختتام پذیر ہوئی ۔