مقبوضہ کشمیر پر عالمی ضمیر جگانے کے لئے اسلام آباد میں‌ کرفیو کلاک نصب

اسلام آباد: حکومت کی ترجیحات اور دلچسپی سے مسئلہ کشمیر مزید اجاگر ہونے لگا، اطلاعات کے مطابق مقبوضہ کشمیر پر عالمی ضمیر جگانے کے لئے اسلام آباد میں کرفیو کلاک نصب کر دیا گیا ہے۔

اسلام آباد سے کے مطابق ہندوستان کی ظالم اور جابر افواج کو مقبوضہ کشمیر کو جکڑے ہوئے اٹھائیس روز گزر گئے، خوراک، ادویات اور ایندھن ختم ہونے کے باعث معصوم کشمیریوں کی زندگی مفلوج ہوگئی ہے۔

ذرائع کے مطابق مقبوضہ کشمیر کے معاملے پر دنیا کا ضمیر جگانے کے لئے اسلام آباد کے ریڈزون کے قریب کی شاہراہ سہروردی کے ٹریفک اشارے پر کرفیو کلاک نصب کر دیا گیا ہے،کلاک بتا رہا کہ مقبوضہ کشمیر میں کرفیو کو لگے کتنے دن اور گھنٹے گزر چکے ہیں۔

یاد رہے کہ اسلام آباد میں اس ٹریفک سگنل سے پاکستان میں موجود بڑی تعداد میں غیر ملکی سفارت کار گزرتے ہیں ،سگنل پر رکنے پر ان کی نظر اس کلاک پر پڑتی ہے۔دوسری طرف عمران خان نے وزارت خارجہ اور حکومتی کابینہ کے ارکان کو ہدایت کی ہےکہ وہ کشمیر ایشو کو دنیا کے چپے چپے میں‌پہنچانے کے لیے بھرپور کوششیں کریں