سابق وزیر داخلہ چودھری نثار آج پنجاب اسمبلی کی رکنیت کا حلف اٹھائیں گے-
باغی ٹی وی : تفصیلات کے مطابق سابق وزیر داخلہ نے کہا کہ نے آج پنجاب اسمبلی کی رکنیت کا حلف اٹھانے کا اعلان کرتے ہوئے کہا ہے کہ حلف اٹھانے سے قطعی طور پر ان کے موقف یا سوچ میں کوئی تبدیلی نہیں آئے گی-
انہوں نے کہا کہ حلف اٹھانے کا بنیادی مقصد حلقے میں سیاسی حالات اور محرکات کو کنٹرول کرنا ہے۔
چوہدری نثار نے کہا کہ یہ عجیب منطق ہوگی کہ ایک طرف سیٹ چھوڑ دی جائے اور دوسری طرف ضمنی انتخاب میں بھی حصہ لیا جائے۔
سابق وزیر داخلہ نے کہا کہ الیکشن کا بائیکاٹ کرنا اور میدان کھلا چھوڑنا اس سے بھی بڑی سیاسی غلطی ہوگی، خاص طور پر جب عام انتخابات میں ڈیڑھ دو سال باقی ہیں۔
دوسری جانب اسلام آباد میں پریس کانفرنس کے دوران اپوزیشن جماعت مسلم لیگ (ن) کی ترجمان مریم اورنگزیب نے چوہدری نثار کے حلف سے متعلق سوال پر نوکمنٹس کہہ دیا۔
انہوں نے کہا ہے کہ پنجاب اسمبلی کی رکنیت کا حلف اٹھانا سابق وفاقی وزیرداخلہ چودھری نثار کا ذاتی معاملہ ہے، اس پر بات نہیں کرنا چاہتی ہوں۔
پنجاب حکومت نے چوہدری نثار کا حلف روکنے کی تیاری کر لی
Leave a reply
