چیئرمین پی پی پی بلاول بھٹو زرداری کی لیاری آمد پر پی پی پی کراچی ڈویژن میں شعبہ خواتین کی سینئر نائب صدر نسیمہ ناز بلوچ کے انتقال پر لواحقین سے تعزیت کا اظہار
تفصیلات کے مطابق چیئرمین بلاول بھٹو زرداری نے وزیراعلی سندھ کی معاون خصوصی نسیمہ ناز بلوچ کے انتقال پر ان کے بلندی درجات اور لواحقین کیلئے صبر کی دعا کی اور ان کی پی پی کی خدمات کا سراہا ۔
بلاول بھٹو زرداری نے کہا کہ نسیمہ ناز بلوچ کی پوری زندگی جمہوریت کے استحکام اور عوام کی خدمت کے لئے وقف تھی، پاکستان پیپلزپارٹی کے جیالے نسیمہ ناز بلوچ کی عوامی خدمات کو کبھی فراموش نہیں کریں گے ۔
انہوں نے مزید کہا کہ پسے ہوئے طبقات کی ایک طاقت ور صدا کے طور پر نسیمہ ناز بلوچ نے اپنی صلاحیتوں کا لوہا منوایا اور نسیمہ ناز بلوچ کو خواتین کی ایک مؤثر نمائندے کے طور پر بھی ہمیشہ یاد رکھا جائے گا ۔
چیئرمین بلاول بھٹو زرداری کے ہمراہ پاکستان پیپلزپارٹی کراچی ڈویژن کے صدر و صوبائی وزیر سعید غنی، ضلع جنوبی کے صدر خلیل ہوت و دیگر بھی موجود تھے۔
