چکوال (سہیل وقار کھنوال)چکوال۔۔۔۔سرفراز دھوکہ نہیں دیگا۔۔۔25 سال قبل گھر سے جانیوالا سرفراز اپنے آبائی گھر پہنچ گیا ،اطلاعات کے مطابق 1996ء میں گھر سے غائب ہونیوالے نویں جماعت کا طالبعلم 25 سال بعد اپنے بیوی بچوں سمیت اچانک گھر واپس پہنچ گیا،
تفصیلات کے مطابق چکوال کے نواحی گاؤں باغ زیر داخلی منگوال سے تعلق رکھنے والا طالبعلم سرفراز آج سے کم و بیش 25 سال قبل ملت چوک چکوال سے اچانک غائب ہوگیا تھا،
سرفراز کے والد محترم مظفر اور بھائی یونس نے سرفراز کو ڈھونڈنے میں کوئی کسر نہ چھوڑی،مظفر نے اپنے بیٹے سرفراز کو ڈھونڈنے میں اپنا سب کچھ داؤ پر لگادیا،چکوال میں اپنا گھر اور لاہور میں قیمتی پلاٹ تک فروخت کرکے سرفراز کو ڈھونڈنے میں دن رات ایک کئے رکھا لیکن سرفراز کا کچھ پتہ نہ چلا،شومئی قسمت بیٹے کے غم میں مبتلا مظفر بیٹے کی راہ تکتے تکتے دو سال قبل انتقال کرگیا
جبکہ مظفر کی والدہ دن رات بیٹے کیلئے تڑپتی رہتی اور بیٹے کی زندگی اور اس کو دیکھنے کی دعائیں کرتی رہتی،آخرکار سرفراز اپنے گاوں باغ زیر کو ڈھونڈتے ڈھونڈتے 25 سال بعد گھر پہنچ گیا اور گھر والوں کو بتایا کہ میں سرفراز کا دوست ہوں لیکن اسکی راہ تکتی والدہ،بھائی اور گھر والوں نے 25 سال بعد پہلی ہی نظر میں سرفراز کو پہچان لیا اور کہا تم سرفراز کے دوست نہیں بلکہ سرفراز ہو،
جس پر سرفراز اپنے بھائی اور ماں کے گلے لگ کر دھاڑیں مار کر رونے لگا اور جب والد محترم کے بارے پوچھا تو بھائی نے بتایا وہ تو 2 سال قبل فوت ہوگئے ہیں تو سرفراز آبدیدہ اور ماحول مزید افسردہ ہوگیا،سرفراز نے بتایا کہ میں نادانی میں گھر سے چلے جانے کے بعد میانوالی کے ایک گاؤں میں پہنچا اور وہاں ایک شخص کے پاس ملازم ہوگیا،
بعد ازاں اس شخص نے مجھے اپنا بیٹا بنالیا،مجھے والدین کی طرح پیار دیا اور اپنی بھتیجی سے میری شادی کرادی،آج میری ایک بیٹی جسکی عمر سات سال اور بیٹا جس کی عمر پانچ سال ہے،سرفراز ایک ٹریلر اور میانوالی میں زمین کا مالک ہے،اہلیان علاقہ مبارکبادیں دینے ان کے گھر آرہے ہیں اور علاقہ بھر میں خوشی کا سماں ہے
