میرپورخاص: پولیس کی بڑی کارروائی، 80 لاکھ روپے مالیت کی چھالیہ اسمگلنگ ناکام

میرپورخاص،باغی ٹی وی( نامہ نگار سید شاہزیب شاہ) میرپورخاص پولیس نے ایک بڑی اور کامیاب کارروائی کرتے ہوئے 80 لاکھ روپے مالیت کی چھالیہ اسمگلنگ کی کوشش ناکام بنا دی۔

تفصیلات کے مطابق ایس ایس پی میرپورخاص شبیر احمد سیٹھار کے سخت احکامات پر منشیات کے خلاف کارروائیاں جاری ہیں۔ انہی احکامات کی روشنی میں ایس ایچ او میرواہ پولیس اسٹیشن انسپکٹر جنید قمر میمن نے اپنی ٹیم کے ہمراہ خفیہ اطلاعات پر ایک کامیاب کارروائی کی۔ کارروائی کے دوران میرواہ روڈ پر سیم نالہ کے قریب ایک ڈمپر کو روکا گیا، جس میں چھالیہ کے 60 کٹے (وزن 720 کلوگرام) چھپائے گئے تھے۔

گرفتار ملزمان میں غفران خان ولد نظر خان پٹھان، سکنہ حب چوکی اور سہیل خان ولد روزی خان، سکنہ کوئٹہ شامل ہیں

پولیس کے مطابق ملزمان چھالیہ کو ڈمپر کے خفیہ خانوں میں چھپا کر اسمگل کر رہے تھے۔ میرواہ پولیس نے موقع پر کارروائی کرتے ہوئے اسمگلنگ کی کوشش ناکام بنائی اور دونوں ملزمان کو گرفتار کر لیا۔

ملزمان کے خلاف مقدمہ نمبر 90/2024 زیر دفعہ 5/8 SPPMSSGM میرواہ پولیس اسٹیشن میں درج کر لیا گیا ہے۔ مزید تفتیش جاری ہے تاکہ اسمگلنگ کے اس نیٹ ورک کے دیگر کرداروں کو بے نقاب کیا جا سکے۔

میرپورخاص پولیس کی اس کارروائی کو عوامی سطح پر سراہا جا رہا ہے، اور یہ پولیس کی انسدادِ منشیات مہم میں ایک اہم کامیابی قرار دی جا رہی ہے۔