لاہور:چوہدری پرویز الٰہی نے 1122 کے حوالے سے بڑا حکم دے دیا،اطلاعات کے مطابق سپیکر چودھری پرویزالٰہی کی سر براہی میں سپیشل کمیٹی کی میٹنگ ہوئی جس میں 1122 کے حوالے سے اہم فیصلے کیئے گئے
اس موقع پر سینئر بیورکریٹس کی طرف سے ریسکیو 1122 کے قانون پر عمل درآمدنہ کرنے کی تحریری وضاحت پیش کی گئی ، اس حوالے سے وضاحت تسلی بخش قرار دی گئی
چوہدری پرویز الٰہی نے اس موقع پر کہا کہ لاء ڈیپارٹمنٹ کے ساتھ مل کر ایکٹ کے مطابق خودمختار محکمہ کے رولز بھی فوری بنائے جائیں۔
اس موقع پر یہ بھی کہا گیا ہے کہ رکن اسمبلی ملک محمد خاں کے استحقاق مجرو ح ہونے کا فیصلہ کمیٹی میٹنگ میں اتفاقِ رائے سے بعد میں کیا جائے گا۔
یہ بھی بتایا جارہا ہے کہ چوہدری پرویز الٰہی نے حکم دیا کہ لاء ڈیپارٹمنٹ کے ساتھ مل کر ایکٹ کے مطابق محکمہ ریسکیو 1122کے رولز تیار کر کے جلد ازجلد کمیٹی میں پیش کیے جائیں جسے بعد ازاں کمیٹی نظرثانی کرے
اس اہم میٹینگ میں وزیر قانون محمدبشارت راجہ، اراکین اسمبلی ملک محمد احمد خان، ملک احمد علی او لکھ، ملک ندیم کامران، سید عثمان محمود، نوابزادہ وسیم خان، میاں شفیع محمد، ملک جمشیدالطاف، مس سونیا، سجاد احمد، سیکرٹری پنجاب اسمبلی محمد خان بھٹی اورڈی جی پارلیمانی امور پنجاب اسمبلی عنایت اللہ لک شریک ہوئے
اس کے علاوہ ایڈیشنل چیف سیکرٹری ِ S&GAD ِ، ایڈیشنل چیف سیکرٹری ہوم، سیکرٹری قانون، سیکرٹری ریگولیشن اور ایڈیشنل سیکرٹری آئی اینڈ سی بھی میٹینگ میں شریک ہوئے
