چیچنیا کے سربراہ رمضان قدیروف نے امریکی کمپنی ٹیسلا کے مالک اور دنیا کے امیر ترین آدمی ایلون مسک کے روسی صدر ولادیمیر پیوٹن کو دیے گئے چیلنج کا جواب دیا ہے۔
باغی ٹی وی :حال ہی میں ایلون مسک نے اپنے چیلنج میں روسی صدر کو "وَن ٹو وَن” لڑنے کی دعوت دیتے ہوئے کہا تھا کہ مقابلے میں جیتنے والے کو یوکرین دے دیا جائے گا تاہم اب روس کے حلیف قدیروف نے اپنے جواب میں کہا کہ ایلون مسک کو فوری شکست ہو جائے گی۔
انگریزی ویب سائٹ بزنس اِنسائیڈر کی رپورٹ کے مطابق قدیروف نے مسک کو مخاطب کرتے ہوئے کہا ہے کہ "میری آپ کو نصیحت ہے کہ پیوٹن کے ساتھ مقابلہ نہ کریں”۔
یوکرین تنازع: ایلون مسک کا روسی صدر کو فائٹ کا چیلنج
رمضان قدیروف نے اپنے ٹیلی گرام اکاؤنٹ پر جاری بیان میں پوتین کی جوڈو کی صلاحیتوں کا حوالہ دیا ان کا مزید کہنا تھا کہ امریکی ارب پتی (ایلون مسک) محض ایک کاروباری اور ٹویٹر بلاگر ٹھہرے اور ان کے مقابلے میں پیوٹن حکمت عملی کے حامل ایک عالمی سیاست دان ہیں۔
رمضان قدیروف نے ایلون مسک کو مشورہ دیا کہ ایلون مسک کو چیچنیا میں کسی ادارے میں تربیت حاصل کرنا چاہیے۔
واضح رہے کہ پیر کے روز ایلون مسک نے اپنی ٹویٹ میں روسی صدر ولادیمیر پیوٹن کو "ون ٹو ون” مقابلے کا چیلنج دیا تھا۔ انہوں نے ٹویٹ میں لکھا تھا کہ میں ولادیمیر پیوٹن کو لڑائی کا چیلنج کرتا ہوں اور داؤ پر یوکرین ہوگا ایلون مسک نے ٹوئٹ میں ولادیمیر پیوٹن اور یوکرین کا نام روسی زبان میں تحریر کیا ایک اور ٹوئٹ میں ایلون مسک نے پورا پیغام روسی زبان میں تحریر کیا۔
یوکرین نے امریکی مدد سے نیوکلئیر ہتھیاروں کی تیاری شروع کردی،ایٹمی محاذ آرائی ہوسکتی ہے: روس
اس پیغام میں انہوں نے لکھا تھا کیا آپ فائٹ کے لیے متفق ہیں؟ ٹوئٹ میں ایلون مسک نے روسی صدارتی محل کے آفیشل ٹوئٹر اکاؤنٹ کو بھی ٹیگ کیا۔
واضح رہے کہ ماسکو کے شدید ہمنوا رمضان قدیروف آہنی ہاتھ کے ساتھ چیچنیا پر حکومت کر رہے ہیں۔ انہوں نے بہت پہلے اعلان کر دیا تھا کہ وہ روسی افواج کے شانہ بشانہ لڑنے کے لیے چیچن فوج کو یوکرین بھیجنے کے لیے تیار ہیں۔ قدیروف کے مطابق روسی صدر ولادی میر پوتین کا 24 فروری کو یوکرین میں فوجی آپریشن کے آغاز کا فیصلہ درست تھا۔
