وزیراعلی پنجاب سردار عثمان بزدار کی جانب سے یوم قائد اور کرسمس پر امن و امان قائم رکھنے کے لیے ہدایات جاری، وزیراعلی عثمان بزدار کا صوبہ بھر میں فول پروف سیکورٹی انتظامات کا حکم
پولیس، انتظامیہ اور متعلقہ ادارے یوم قائد اور کرسمس تقریبات کی بہترین سکیورٹی انتظامات یقینی بنائیں۔ یوم قائدؒ اور کرسمس کی تقریبات کے حوالے سے وضع کردہ سیکورٹی پلان پر من و عن عملدرآمد یقینی بنایا جائے-
عوام کے جان و مال کے تحفظ سے بڑھ کر کوئی اور ترجیح نہیں ہو سکتی- چرچوں، مارکیٹوں، بازاروں اورعوامی مقامات کی سیکورٹی پر خصوصی توجہ دی جائے- عثمان بزدار نے مزید کہا کہ متعلقہ افسران اورعملہ امن و امان قائم رکھنے جانفشانی سے فرائض سرانجام دے، پولیس افسران خود فیلڈ میں موجود رہیں۔
تقریبات میں کرونا ایس او پیز کاخیال رکھا جائے۔
یوم قائدؒ اور کرسمس کے حوالے سے وضع کردہ سیکورٹی پلان کی موثر مانیٹرنگ کی جائے-
دشمن پاکستان کو عدم استحکام سے دوچار کرنے کے درپے ہے – پولیس اورقانون نافذ کرنیوالے ادارے د شمن کے مذموم عزائم ناکام بنانے کیلئے ہمہ وقت چوکس رہیں – عوام کے تعاون سے دشمن کے مذموم عزائم کو پہلے بھی ناکام بنایا آئندہ بھی ناکام بنائیں گے۔
