کیمیکل فیکٹری میں آتشزدگی کئی مزدور جھلس گئے
باغی ٹی وی :کراچی کے علاقے سائٹ ایریا ہارون آباد کی کیمیکل کی فیکٹری میں آتشزدگی، آگ سے جھلس کر کئی مزدور زخمی ہوگئے۔
آتشزدگی کے باعث فیکٹری کی چھت پر پھنسے 2 مزدوروں کو نکال لیا گیا۔ ریسکیو عملے نے دونوں مزدوروں کو نکالا۔ ایم ڈی واٹر بورڈ نے کہا ہے ک نیپا اور سخی حسن ہائیڈرنٹس پر ہنگامی حالت نافذ کر دی، ہائیڈرنٹس کو دیگر ٹینکرز سے خالی کرا لیا گیا ہے۔
ادھر بھارتی ریاست مہاراشٹرا کے ایک اسپتال میں آگ لگنے سے 10 نوزائیدہ بچے جھلس کر ہلاک ہوگئے ۔
بھارتی خبر ایجنسی کے مطابق آگ لگنے کا واقعہ ضلع بھنڈارا کے ڈسٹرکٹ جنرل اسپتال میں جمعہ اور ہفتہ کی درمیانی شب پیش آیا جس میں سک نیو بارن کیئر یونٹ میں موجود 10 نوزائیدہ بچے ہلاک ہوئے۔
