چیف ایگزیکٹو پی آئی اے ارشد ملک اور عراقی سفیر حامد عباس لافطہ کی ملاقات
باغی ٹی وی : چیف ایگزیکٹو آفیسر پی آئی اے ارشد ملک نے اسلام آباد میں جمہوریہ عراق کے سفیرعزت مآب حامد عباس لفطہ سے ملاقات کی۔
خوشگوار ماحول میں ہونے والی ملاقات میں محرم الحرام اور اربعین کے دوران زائرین کی پاکستان سے عراق روانگی، ان کے ویزا اور سفری دستاویزات کے معملات اور مقدس مقامات کی زیارات سے متعلق امور پر تبادلہ خیال کیا گیا۔ معزز سفیر نے سی ای او کو زائرین کو سہولیات کی فراہمی اور پی آئی اے فلائٹ آپریشنز اور پی آئی اے مسافروں کے لئے مکمل تعاون کی یقین دہانی کرائی۔
عراق کے لئے پی آئی اے فلائٹ آپریشنز کے سلسلے میں ابتدائی ملاقات کا مقصد آ پس میں اتفاق رائے پیدا کرناتھا اس سلسلے میں مستقبل کی حکمت عملی اور آئندہ کا لائحہ عمل مرتب کرنے کے لئے مزید اجلاس بھی منعقد کئے جائیں گے۔
ترجمان پی آئی اے
