دنیا بھر کی طرح پاکستان میں آج مسیحی برادری کرسمس مذہبی جوش و جذبے کے ساتھ منا رہی ہے۔
باغی ٹی وی :کرسمس کی مناسبت سے گرجا گھروں میں خصوصی سروسز کا اہتمام کیا گیا ہے اس دن کی مناسبت سے گھروں کی سجاوٹ کرسمس سے جڑی ایک قدیم روایت ہے جس میں موم بتیاں، پھول، تصاویر، کرسمس ٹریز، سانتا کلاز ، کارڈز، ٹافیوں کے ڈبے اور دیگر آرائشی اشیاء درکار ہوتی ہیں –
شہرقائد میں جمعےکو مہاجر کلچر ڈے منایا گیا، اور شہر کے
تمام تیاریاں یکم دسمبر سے ہی شروع ہوجاتی ہیں اوریہ سلسلہ 25 دسمبرتک جاری رہتا ہے کرسمس کے موقع پر تمام گرجاگھروں میں کرسمس کیک بھی کاٹا جائے گا تقریبات کے اختتام پر ملک و قوم کی ترقی کے ساتھ ساتھ اقلیتوں کیلئےخصوصی دعائیں بھی ہوں گی۔
پولیس کی جانب سے اس حوالے سے سیکیورٹی کے سخت انتظامات کیے گئے ہیں۔ تمام افراد کو چیکنگ کے بعد چرچز میں داخلے کی اجازت ہوگی۔
کرسمس پرڈی ایم سی کورنگی کے تحت گرجا گھروں اور مسیحی بستیوں میں مثالی بلدیاتی…
جبکہ چیف جسٹس پاکستان جسٹس گلزار احمد نے کرسمس کے موقع پر کہا ہے کہ اقلیت کے حقوق سلب نہیں ہونے دیں گے، عدلیہ آپ کے حقوق کا تحفظ کرے گی۔
کراچی میں کرسمس کے موقع پر ٹرینٹی چرچ آمد پر چیف جسٹس گلزار احمد نے کہا کہ آپ کو اتنا ہی قانونی تحفظ حاصل ہے جتنا کسی دوسرے کو ہے کرسچن کمیونٹی پاکستان کو بہتر بنانے کیلئے پیش پیش ہے۔
چیف جسٹس گلزار احمد نے کرسچن کمیونٹی کے اسکول واپس کرنے کیلئے اقدامات کی ہدایت بھی کی اس موقع پر چیف جسٹس گلزار احمد نے کرسمس کیک کاٹا اور کرسچن کمیونٹی کو مبارکباد بھی دی۔
