چھیکو گینگ سرغنہ سمیت گرفتار

ڈی آئی جی انویسٹی گیشن شارق جمال کی ہدایت پر ایس ایس پی سی آئی اے لاہور شعیب خرم جانباز نے کارروائی کرتے ہوئے ڈکیتی اور راہزنی کی وارداتوں میں ملوث چھیکو گینگ کے 3 ملزمان کو گرفتار کر لیا ہے، گرفتارملزمان میں گینگ کا سرغنہ شفیق عرف چھیکو ساتھی مبین اور سلمان شامل ہیں، ملزمان سے لاکھوں روپےنقدی، ناجائز اسلحہ اور گولیاں برآمد کی گئی ہیں، ملزمان واردات کی نیت سے موٹرسائیکلوں پر گشت کرتے تھے، ملزمان موقع پا کر شریف شہریوں کو لوٹ کر فرار ہوجاتے تھے، ملزمان کے خلاف مختلف تھانوں میں ڈکیتی اور راہزنی کے درجنوں مقدمات میں ٹریس تھے، ڈی ایس پی سی آئی اے سول لائنز دانش آصف رانجھا نے اپنی ٹیم کے ہمراہ کارروائی کرتے ہوئے ملزمان کو گرفتار کیا ہے، جرائم پیشہ عناصر کے خلاف کارروائیاں جاری رہیں گی، سی سی پی او لاہور غلام محمود ڈوگر کی طرف سے ایس ایس پی سی آئی اے اور پولیس ٹیم کے لیے تعریفی اسناد کا اعلان کیا ہے.