منگولیا؛چین سے ہلاک ہونے والے افراد کے بارے میں معلوم ہوا ہے کہ وہ مزدور تھے اور مختلف کانوں میں کام کرتے تھے، اس حوالے سے چینی میڈیا کا کہنا ہے کہ چین کے شمالی علاقے منگولیا میں کوئلےکی کان بیٹھنے سے 4 کان کن ہلاک اور 49 لاپتا ہوگئے۔برطانوی خبر رساں ادارے کے مطابق کوئلے کی کان گرنے کا واقعہ بدھ کی صبح پیش آیا جس کے بعد انتظامیہ کی جانب سے کان کنوں کو بچانے کیلئے سرچ اینڈ ریسکیو عمل شروع کردیا گیا، اس دوران 6 کان کنوں کو بچالیا گیا۔
نامعلوم وجوہات کی وجہ سے مٹی کا تودہ گرنے کے باعث کان میں پھنسے کان کنوں کی جانیں بچانے کا سلسلہ روک دیا گیا ۔
میڈیا رپورٹس کے مطابق چینی وزیر اعظم کی جانب سے انتظامیہ کو کان کنوں کو ہر ممکن صورت میں بچانے کی ہدایت جاری کی گئی جس بعد جائے حادثہ پر 900 ریسکیو اہلکاروں کو تعینات کیا گیا ہے۔
ادھرچند دن پہلےخیبر پختونخوا کے ضلع کوہاٹ میں درہ آدم خیل کے پہاڑی علاقے آخوروال میں کوئلے کی کان میں دھماکا ہوگیا۔
ریسکیو اہلکاروں کے مطابق دھماکے کے باعث کئی کان کن دب گئے۔رپورٹس کے مطابق کان میں دھماکے کے بعد کوہاٹ اور پشاور سے ریسکیو ٹیمیں جائے حادثہ پر پہنچیں۔ریسکیو اہلکاروں کا کہنا ہے کہ کان میں 5 مزدور دبے تھے، ایک کی لاش اور 4 کو زخمی حالت میں نکالا گیا ہے۔
