بیجنگ :ٹیکنالوجی کے اس دورمیں جہاں بہت سی ایجادات نے انسانوں کےلیے بہت سے فائدے پیدا کردیئے ہیں وہاں بہت سی ایجادات نے تباہی برپا کردی ہے، ایسے ہی ایک ای سگریٹ ہے جس نے اپنے آغاز سے ہی تباہی مچانا شروع کردی ہے، یہی وجہ ہے کہ چین بھی جلد ای سگریٹ پر پابندی لگانے والے ممالک کی فہرست میں شامل ہوجائے گا، یہ پابندی اکتوبر میں متوقع ہے
ای سگریٹ اور ویپنگ بیماری کے تعلق کے تناظر میں امریکا میں تحقیق بھی جاری ہے اور اس کی وجہ چھ ہلاکتیں خیال کی گئی ہیں۔ خیال رہے بھارت نے حال ہی میں ای سگریٹ کو ممنوع قرار دے دیا ہے، چین اور بھارت دنیا میں تمباکو کی سب سے بڑی منڈیاں ہیں، ای سیگریٹ بنانے والی کئی کمپنیوں نے چین میں ایک بلین امریکی ڈالر کی سرمایہ کاری کر رکھی ہے
