چین:مصائب میں پھنس گیا:کہیں زلزلےتوکہیں طوفانی بارشیں اوراولے:اؤنٹین میراتھن میں شریک 23 افراد ہلاک

بیجنگ: چین کے صوبے گنسو میں طوفانی بارشوں اور اولیگرنے سے میراتھن میں شریک 23 افراد ہلاک اور کئی لاپتہ ہوگئے ۔ غیر ملکی میڈیا کے مطابق واقعہ شمالی چین کے صوبے گنسو میں پیش آیا جہاں پہاڑی علاقے میں 100 کلومیٹر ماؤنٹین میراتھن کے دوران طوفانی بارش اور اولے گرنے سے 23 افراد ہلاک اور کئی لاپتہ ہوگئے ۔

بائی ین شہر کے میئر ژانگ ژوچن کا کہنا تھا کہ دوڑ کے کچھ شرکاء کی طرف سے مدد کا پیغام ملنے کے فوراً بعد میراتھن کی انتظامیہ نے امدادی ٹیم بھیجی جو 18 افراد کو بچانے میں کامیاب ہوگئی۔

عالمی میڈیا کی رپورٹ کے مطابق کل 172 افراد میراتھن میں شریک تھے جن میں سے چند افراد لاپتہ بھی ہیں جس کے بعد ریس روک دی گئی ہے اور امدادی کارروائی شروع کر دی گئیں ہیں ،

مقامی حکام کے مطابق میراتھن کے شرکا جب بلند مقام پر 21 سے 30 کلومیٹر کے درمیان پہنچے تو انہیں شدید بارش اور برف باری نے آگھیرا اور موسم کی شدت کے باعث شرکاء جان کی بازی ہارگئے۔