قصور
سی آئی اے سٹاف قصور کی بڑی کاروائی،فانی ڈکیت گینگ گرفتار،ناجائز اسلحہ،موبائل،ایل سی ڈیز و 4 لاکھ نقدی و 1500 گرام چرس برآمد
تفصیلات کے مطابق ڈی پی او قصور سید عمران کرامت بخاری کی ہدایات پر عمل درآمد کرتے ہوئے ڈی ایس پی سی آئی اے ملک طارق محمدد کی قیادت میں ایس آئی محمد اسلم و ہیڈ کانسٹیبل رفیق الدین غوری اور ان کی ٹیم نے کامیاب ریڈ کرتے ہوئے 48 مقدمات میں مطلوب انتہائی خطرناک اشتہاری ملزم عرفان عرف فانی کو گینگ ارکان سمیت گرفتار کر لیا
گینگ کا سرغنہ محمد عرفان عرف فانی ولد عالم سکنہ رتنے والا قصور دفعہ 392 سمیت 48 مقدمات میں مطلوب تھا اور خطرناک ڈکیت گینگ چلا رہا تھا
ملزم کے قبضہ سے ناجائز اسلحہ،موبائل فون اور ایل سی ڈیز کے علاوہ 4 لاکھ روپیہ نقد اور 1500 گرام چرس بھی برآمد کی گئی ہے
ملزم کے ساتھیوں شان عرف شانی( 15 مقدمات میں مطلوب) سکنہ رتنے والا، قدرت اللہ اشرف سکنہ اٹاری لاہور ( لاہور و دیگر اضلاع میں 140 مقدمات میں مطلوب) غلام حیدر ولد منہا کمہار سکنہ بستی ونیکاں قصور کو بھی گرفتار کیا گیا ہے
ڈی پی او قصور نے انتہائی خطرناک ترین بین الصوبائی گینگ کو گرفتار کرنے پر سی آئی اے سٹاف قصور کو شاباش دی
