+9251
لاہور:سول ایوی ایشن نے اندرون ملک فضائی آپریشن جذوی بحال کردیا،شیڈول بھی جاری کردیا،اطلاعات کے مطابق ایوی ایشن ڈویژن نے اندرون ملک پرازوں کا اعلان کرکے مشکل میں پھنسے پاکستانیوں کوعید سے قبل خوشخبری سنا دی ہے ، اس حوالے سے سول ایوی ایشن نے پی آئی اے اورایک نجی ائیرلائن کو یہ ذمہ داری سونپی ہے،
باغی ٹی وی کے مطابق اس حوالے سے اچھی خبرسناتے ہوئے سول ایوی ایشن نے پی آئی اے اور سرین ائر کو اندرون ملک جذوی طور پر فضائی اپریشن بحال کرنے کی 16مئی سے مشروط اجازت دینے پر ائر لائن نے شیڈول جاری کردیا ۔
باغی ٹی وی کے مطابق ان پروازوں کے لیے خٌصوصی ہدایات بھی جاری کی گئی ہیں،یہ بھی بتایا گیا ہےکہ ایس او پیز کے تحت ڈومیسٹک پروازوں پر پچاس فیصد مسافروں کا لوڈ ہوگا۔ سماجی فاصلے اور ماسک کی پابندی کو یقینی بنایا جائے گا۔ اندرون ملک جانے اور آنے والے تمام مسافروں کی مکمل طبی جانچ ہوگی۔
خیال رہے کہ سول ایوی ایشن اتھارٹی نے ڈومیسٹک پروازوں پر انتیس مئی تک پابندی عائد کر رکھی ہے۔
شیڈول کے مطابق کراچی لاہور کوئٹہ اور اسلام آباد کے درمیان پروازیں شروع کی جائیں گی ، شیڈول کے مطابق کراچی لاہور ُپشاور کوئٹہ اور اسلام آباد کے درمیان پروازیں شروع کی جا رہی ہیں
کرونا وائرس سے پہلے کراچی سے ملک کے دیگر شہروں کے لیے ہفتہ وار 369 پروازیں چلائی جاتی تھیں لیکن اب 68 چلائی جائیں گی، اسلام آباد سے پہلے 228 پروازیں چلائی جاتی تھیں اب ہفتہ وار32پروازیں چلائی جائیں گی
لاہور سے پہلے 151 پروازیں اندرون ملک چلائی جاتی تھیں اب32 چلائی جائیں گی ،
شیڈول کے مطابق پشاور سے پہلے 26 پروازیں چلائی جاتی تھیں اب 4 چلائی جائینگی جبکہ اس کے بعد کوئٹہ سے پہلے 14 پروازی چلائی جاتی تھیں اب 6 چلائی جائیں گی،باغی ٹی وی کو ملنے والی اطلاعات اورمعلومات کےمطابق پی آئی اے کی پروازیں اب ہفتہ میں ایک دن چھوڑ کر چلا ئی جا ئیں گی ۔
دوسری طرف پی آئی اے نے بیرون ممالک سے پاکستانیوں کو لانے کا سلسلہ تیز کردیا ہے اورآج ریاض میں پھنسے پاکستانیوں کی واپسی شروع ہوگئی ہے جبکہ پی آئی اے نے یورپ کے لیے مزید ریلیف پروازوں کا اعلان کردیا ہے۔
جبکہ قومی ائیر لائن نے یورپ کے لیے مزید پروازوں کا اعلان کر دیا ہے۔ترجمان پی آئی اے کے مطابق اسلام آباد سے بارسلونا کے لیے پرواز سترہ مئی، لاہور سے فرینکفرٹ کے لیے انیس مئی اور اسلام آباد سے میلان کے لیے پرواز بائیس مئی کو روانہ ہوگی۔
