چیف جسٹس یحییٰ آفریدی کا پہلا ورکنگ ڈے، ایک گھنٹہ 15 منٹ میں 24 مقدمات کی سماعت مکمل کی۔
چیف جسٹس یحیٰی آفریدی نے ہفتہ کو چیف جسٹس آف پاکستان کا حلف لیا تھا، حلف برداری کی تقریب ایوان صدر میں ہوئی تھی، بعد ازاں چیف جسٹس یحییٰ آفریدی سپریم کورٹ پہنچے تو انہیں گارڈ آف آنر پیش کیا گیا،آج چیف جسٹس یحییٰ آفریدی کا پہلا ورکنگ ڈے ہے، سپریم کورٹ آف پاکستان کے چیف جسٹس یحییٰ آفریدی نے پہلے دن سوا گھنٹے میں ریکارڈ 24 مقدمات کی سماعت مکمل کی۔چیف جسٹس یحییٰ آفریدی نے ساڑھے 9 سے پونے 10 بجے تک 15 منٹ میں 30 مقدمات کی سماعت کی۔انہوں نے 30 میں سے 6 مقدمات مختلف وجوہات پر ساڑھے11 بجے تک ملتوی کر دیے۔
دوسری جانب چیف جسٹس یحییٰ آفریدی کی زیرِ صدارت سپریم کورٹ میں فل کورٹ اجلاس آج ہو گا،فل کورٹ اجلاس میں تمام دستیاب جج شریک ہوں گے، جس میں اہم انتظامی فیصلے متوقع ہیں، فل کورٹ اجلاس میں عدالتی اصلاحات پر بھی غور کیا جائے گا،سینئر جج جسٹس منصور علی شاہ عمرے کی ادائیگی کے باعث فل کورٹ اجلاس شریک نہیں ہو سکیں گے۔
چیف جسٹس یحییٰ آفریدی نے نماز کے دوران تصویر بنانے پر ایس پی سیکیورٹی کا تبادلہ کر دیا
نئے چیف جسٹس یحی آفریدی نے پہلا انتظامی حکم جاری کر دیا
چیف جسٹس یحییٰ آفریدی کو گارڈ آف آنر پیش،فل کورٹ اجلاس 28 اکتوبر کو طلب
