وزیراعلیٰ بلوچستان کے قریبی ساتھی پر بم سے حملہ،2 افراد زخمی

کوئٹہ: ڈیرہ بگٹی میں وزیراعلیٰ بلوچستان سرفراز بگٹی کے قریبی ساتھی چیف وڈیرہ بہار خان بگٹی پر بم سے حملہ کیا گیا، جس کے نتیجے میں 2 افراد زخمی ہوگئے۔

باغی ٹی وی : پولیس کے مطابق چیف آف نوتھا وڈیرہ بہار خان بگٹی کا قافلہ ڈیرہ بگٹی سے پیرکوہ جارہا تھا کہ درمیان میں ان کی گاڑی کو ریموٹ کنٹرول سے نشانہ بنایا گیا، بم دھماکے کے بعد پولیس اور سکیورٹی فورسز نے علاقے کو گھیرے میں لے لیا۔

واضح رہے کہ بلوچستان کے نومنتخب وزیراعلیٰ سرفراز بگٹی نے عہدے کا حلف اٹھالیا ہے، نومنتخب وزیراعلیٰ بلوچستان کی حلف برداری کی تقریب گورنر ہاؤس کوئٹہ میں منعقد ہوئی جس میں چیئرمین پی پی پی بلاول بھٹو زرداری، اراکین صوبائی و قومی اسمبلی اور مختلف شعبوں سے افراد اور عمائدین شریک ہوئے۔

بارشوں کا حالیہ سلسلہ کب تک جاری رہنے کا امکان؟

گورنر ملک عبدالولی کاکڑ نے ان سے حلف لیا،حلف اٹھانے کے بعد سرفراز بگٹی نے جئے بھٹو کا نعرہ لگایا،حلف لینے کےبعد گورنر بلوچستان ملک عبدالولی کاکڑ نے نومنتخب وزیراعلی کو مبارکباد دی، تقریب میں جئے بھٹواورچاروں صوبوں کی زنجیر بے نظیر کے نعرے لگائے جاتے رہے-

بلوچستان کے نومنتخب وزیراعلیٰ سرفراز بگٹی نے عہدے کا حلف اٹھالیا

بارش کے باعث یونائیٹڈ اور گلیڈی ایٹرز کے درمیان میچ منسوخ