پرویز الہیٰ نے ووٹ نہ لیا تو وزیراعلیٰ ہاوس سیل کر دینگے،رانا ثناء اللہ

باغی ٹی وی کی رپورٹ کے مطابق ن لیگی رہنما، وفاقی وزیر داخلہ رانا ثناء اللہ نے کہا ہے کہ اگر کل 4 بجے اجلاس نہ ہوا اور وزیراعلیٰ نے ووٹ نہ لیا تو وزیراعلیٰ ہاوس سیل کر دینگے

پرویز الہیٰ کے خلاف عدم اعتماد جمع ہو چکی ہے، عدم اعتماد گزشتہ شب ن لیگ اور پیپلز پارٹی نے ملکر جمع کروائی، گورنر پنجاب نے بھی وزیراعلیٰ پرویز الہیٰ کو ووٹ لینے کا کہہ دیا، پنجاب اسمبلی کا اجلاس اب کل بدھ کو ہو گا، اسپیکر پنجاب اسمبلی نے ن لیگی اراکین کے داخلے پر پابندی لگا رکھی تھی، آج عدالت نے انہیں اجلاس میں شرکت اور ووٹنگ کی اجازت دے دی ہے

دوسری جانب ملکی سیاسی صورت حال اور پنجاب اسمبلی میں تحریک عدم اعتماد کا معاملہ ،حکمران اتحاد کے بڑوں کے آپس میں رابطے ہوئے ہیں، سابق صدر آصف علی زرداری کی وزیراعظم شہباز شریف اور قائد مسلم لیگ ن نواز شریف سے ٹیلی فونک گفتگو ہوئی ہے، گفتگو میں پنجاب میں تحریک عدم اعتماد کے معاملے پر مشاورت کی گئی،

تحریک انصاف کے چیئرمین عمران خان نے پنجاب کے اراکین اسمبلی کو لاہور میں رہنے کی ہدایت کی،اور اجلاس مین شرکت کی بھی ہدایت کی، عمران خان کا کہنا ہے کہ عدم اعتماد کسی صورت کامیاب نہیں ہو گی،

پنجاب اسمبلی میں عدم اعتماد جمع ہونے کے بعد حکومت اور اپوزیشن کے پاس کتنے کتنے اراکین ہیں تفصیلات سامنے آئی ہیں، پنجاب اسمبلی میں کل ارکان کی تعداد 371 ہے حکومتی اتحاد کے ارکان اسمبلی کی تعداد 190 ہے پنجاب میں تحریک انصاف اور مسلم لیگ ق اتحادی حکومت قائم کیے ہوئے ہیں، حکومتی اتحاد میں پاکستان تحریک انصاف کی 180 جبکہ مسلم لیگ ق کی 10 نشستیں ہیں۔
اپوزیشن اتحاد کے کل ممبران اسمبلی کی تعداد 180 ہے اپوزیشن اتحاد میں مسلم لیگ ن، پاکستان پیپلزپارٹی، راہ حق پارٹی اور آزاد اراکین شامل ہیںپنجاب اسمبلی میں مسلم لیگ ن 167 نشستوں کے ساتھ اپوزیشن اتحاد میں سرفہرست ہے،پیپلزپارٹی کی 7 نشستیں جبکہ راہ حق کا ایک رکن ہے .پنجاب اسمبلی کے اپوزیشن اتحاد میں پانچ آزاد اراکین اسمبلی بھی شامل ہیں، جبکہ چودھری نثار پنجاب اسمبلی میں واحد غیر جانبدار رکن اسمبلی ہیں

واضح رہے کہ عمران خان نے پرویز الہیٰ کے ساتھ ملکر پنجاب اسمبلی تحلیل کرنے کا اعلان کیا تھا، اس بیان کے بعد سابق صدر آصف زرداری بھی لاہور میں‌ ملاقاتوں میں متحرک ہیں، عمران خان نے جمعہ کا وقت دیا تھا، پی ڈی ایم کی کوشش ہے کہ اسمبلیاں تحلیل نہ ہوں، آصف زرداری نے گزشتہ روز چودھری شجاعت،اور وزیراعظم شہباز شریف سے ملاقاتیں کی تھیں، آج بھی لاہور سیاسی سرگرمیوں کا مرکز بنا ہوا ہے،

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

عمران خان کی تعزیت کیلئے صحافی صدف نعیم کے گھر آمد 

کامونکی،لانگ مارچ کی کوریج کرنیوالے صحافیوں پر پولیس کا تشدد

اسپیکر پنجاب اسمبلی نے گورنر کے طلب کردہ اجلاس کو غیر قانونی قرار دے دیا