وزیر اعلی محمود خان دورہ سیلاب زدگان پر ایسے مسکرا کر ہاتھ ہلا رہے جیسے کوئی جلسہ عام کی عوام سامنے ہو

وزیر اعلی خیبر پختونخواہ محمود خان دورہ سیلاب زدگان کے دوران ایسے مسکرا کر ہاتھ ہلا رہے تھے جیسے کوئی جلسہ عام کی عوام سامنے ہو.

ایک صارف این قاضی نے محمود خان کی دورہ سیلاب زدگان کے دوران مسکراتی ہوئی ویڈیو شیئر کرتے ہوئے کہا کہ: ان بھائی صاحب! کو کوئی بتائے کہ کسی جلسہ کے لئے نہیں بلکہ لوگوں کی داد رسی کے لئے گئے ہیں۔

ان بھائی صاحب کو کوئی بتائے کہ کسی جلسہ کے لئے نہیں بلکہ لوگوں کی داد رسی کے لئے گئے ہیں۔ موصوف کی مسکراہٹ اور اس کے بعد فاتحانہ ہاتھ ہلانے سے صاف پتہ چل رہا ہے کہ یہ ماڈلنگ ہو رہی ہے۔ pic.twitter.com/VYEMfhiWX8

— N Qazi🇵🇰 (@civilpakistani) August 30, 2022

انہوں نے مزید کہا کہ: موصوف کی مسکراہٹ اور اس کے بعد فاتحانہ ہاتھ ہلانے سے صاف پتہ چل رہا ہے کہ یہ ماڈلنگ ہو رہی ہے۔

اس ویڈیو کو دیکھنے کے بعد بہت سارے لوگ وزیر اعلی خیبر پختونخواہ محمود خان پر سخت تنقید کررہے ہیں جبکہ لوگوں نے کہا کہ یہ بے حسی کی انتہاء کہ ایک وزیر اعلی جیسی کرسی پر براجمان شخص ایسی شرم ناک حرکت کر سکتا ہے.

خیال رہے کہ ضلع لوئر کوہستان کے علاقے سناگئی دوبیر میں 5 دوست تین گھنٹے تک پھنسے رہنے کے بعد سیلابی ریلے میں بہہ گئے تھے۔ علاقہ مکینوں کے مطابق پانچوں دوست اچانک سیلابی ریلے کی زد میں آنے کے بعد ایک بلند پتھر پر چڑھ گئے اور تین گھنٹے تک وہ حسرت اور بے بسی کی تصویر بنے رہے۔ پانچوں دوست امداد کا انتظار کرتے رہے مگر کوئی سرکاری ادارہ یا ریسکیو ٹیم نہ پہنچی جبکہ سوشل میڈیا پر ہیلی کاپٹر کا مطالبہ بھی کیا گیا تھا لیکن اس وقت وزیر اعلی کا ہیلی عمران خان کی خدمت میں معمور تھا.

شہریوں کے مطابق اگر انتظامیہ چاہتی تو ایک گھنٹے میں پشاور یا گلگت سے ہیلی کاپٹر بھی پہنچ سکتا تھا مگر کوئی نہ آیا تو مقامی افراد نے رسیوں کے ذریعے انہیں نکالنے کی آخر کوشش کی مگر وہ تیز موجوں کی نذر ہوگئے۔ حکومت کی جانب سے نوجوانوں کو ریسکیو نہ کرنے پر شدید غم و غصے کا اظہار کیا گیا تھا.