وزیراعلیٰ پنجاب کا سرکاری ملازمین کے لئے بڑا اعلان

وزیراعلیٰ پنجاب کی زیر صدارت اجلاس کا ناعقاد ہوا جس میں ترقیاتی منصوبوں اور مالیاتی امور کا جائزہ لیاگیا-

باغی ٹی وی : اجلاس میں وزیراعلیٰ پنجاب عثمان بزدار نے کہا کہ بجٹ میں سرکاری ملازمین کی تنخواہوں میں اضافے کی اچھی خبر دیں گے –

عثمان بزدار نے کہا کہ تعلیم، صحت، فراہمی و نکاسی آب کے لیے بجٹ بڑھایا جائے جبکہ انہوں نےاگلے مالی سال کے بجٹ میں سوشل سیکٹر کے لیے زیادہ فنڈز مختص کرنے کی ہدایت بھی کی-

اجلاس میں عثمان بزدار نے کہا کہ پنجاب کے شہروں میں نکاسی آب کے 10 منصوبے لائے جائیں گے –

عثمان بزدار نے کہا کہ خطیر رقم خرچ کرنے کے باوجودسڑکوں کی حالت خراب ہونا انتہائی افسوسناک امر ہے،عوام کے لیے آسانیاں پیدا کرنے کی حکمت عملی بنا لی ہے-

وزیراعلیٰ پنجا ب عثمان بزدار نے سی ایم پیکج برائے بحالی روڈزکی منظوری دے دی، پیکج کے تحت ٹوٹ پھوٹ کا شکار سڑکوں کو بحال کیا جائے گا-

وزیراعلیٰ پنجاب عثمان بزدار نے کہا کہ گوجرانوالہ انڈسٹریل اسٹیٹ کو موٹروے سے منسلک کیا جائے گا اور کوٹلی ستیاں ٹورازم ہائی وے بنائی جائے گی –

علاوہ ازیں پی ایس ڈی پی کے تحت خوشاب، میانوالی سرگودھا روڈ تعمیر بھی کی جائے گی-

انہوں نے کہا کہ ہر محکمے سے فنڈز کے درست استعمال کی ماہانہ مانیٹرنگ رپورٹ طلب کی جائے گی-

وزیر اعلیٰ عثمان بزدار نے اجلاس میں زیر تکمیل منصوبوں کے لیے فنڈز ترجیحی بنیاد وں پر جاری کرنے حکم دیا-

عثمان بزدار نے کہا کہ پنجاب میں سرکاری وصولیوں میں 20 فیصد اضافہ حکومت کی شفاف پالیسیوں کا ثمر ہے-