وزیراعلیٰ پنجاب مریم نواز نے نواز شریف کینسر ہسپتال کا سنگ بنیاد رکھ دیا
سنگ بنیاد کی تقریب سے خطاب کرتے ہوئے وزیراعلیٰ پنجاب مریم نواز کا کہنا تھا کہ آج ہمارا ایک ایسا خواب پورا ہونے جا رہا جو میری اور نوازشریف کی سب سے بڑی خواہش تھی، آج نوازشریف ادھر ہوتے تو وہ بہت خوش ہوتے،الحمدللہ آج ہم سب مل کر جتنا بھی اللہ کا شکر ادا کریں کم ہے، پنجاب نے اپنے وسائل کے دروازے باقی صوبوں کیلئے کھولے ہوئے ہیں، نواز شریف کینسر ہسپتال میں کسی مریض کو انکارنہیں کیا جائے گا،یہ کینسرہسپتال صرف پنجاب کی عوام کے لیے نہیں بلکہ پورے پاکستان کے لیے ہے،قرآن پاک میں اللہ کا فرمان ہے کہ بہترین شخص وہ ہے جس وجود دوسروں کے لئیے فائدہ مند ہو، میری والد اس مرض کا شکار ہوئیں اور جانبر نہ ہوسکیں،کینسرکا علاج انتہائی مہنگاعلاج ہے، لوگ اپنی جمع پونجی لٹا دیتے ہیں پھر بھی اس بیماری کا علاج نہیں ہو پاتا،لوگ پوچھتے ہیں عوام کا پیسہ ہے اس کا نام نوازشریف کے نام پر کیوں رکھا، میں پوچھنا چاہتی ہوں پیسا بھی ہر حکومت کے پاس ہوتا تو کیوں نہیں لگاتے،
وزیراعلیٰ پنجاب مریم نواز کا کہنا تھا کہ کینسر ہسپتال میں مریضوں کے علاج کیلئے بہترین ڈاکٹر اورجدید ترین مشینری لائیں گے۔ ہوٹلز بھی بنیں گے، حکومت کی پہلی سہولت ہو گی جس میں لوگ چاروں صوبوں سے آئیں گے،نجاب کے پہلےسرکاری کینسراسپتال میں مریضوں کا مفت علاج ہوگا،اگر عوام کینسر سے مر رہی ہو اور حکومت کے پاس علاج نہ ہوتو پیسہ کسی کام کا نہیں، میرا روز اس راستے سے گزر ہوتا ہے کیوں کے میرے دفتر کے راستے میں ہے، نوازشریف صاحب آتے جاتے اس جگہ کی طرف دیکھتے ہیں میرے بھی رونگٹے کھڑے ہوتے ہیں،بہت بڑا ہسپتال ہے 3 سال میں یہ منصوبہ مکمل ہوگا، پہلے فیز میں ہسپتال کام شروع کردے گا جو مجھے ایک سال کے اندر اندر چاہیے ،میں عوام سےوعدہ کر کے جا رہی ہوں کے ایک سال کے اندر یہ ہسپتال تیار ہوگا ،
