وزیراعلیٰ پنجاب سے ڈی جی رینجرز پنجاب کی ملاقات، رینجرز کے جوان ہمارا مان ہیں، عثمان بزدار
باغی ٹی وی کی رپورٹ کے مطابق وزیراعلیٰ پنجاب سردار عثمان بزدارسے ڈی جی رینجرز پنجاب میجر جنرل محمد عامر مجید نے ملاقات کی ہے،وزیراعلیٰ عثمان بزدار نے ملک خصوصاً کراچی میں قیام امن کیلئے رینجرز کے افسروں اور جوانوں کی خدمات کو خراج تحسین پیش کیا اور سرحدوں کی حفاظت کیلئے رینجرز کے افسروں اورجوانوں کی جرأت اور بہادری کی تعریف کی
وزیراعلیٰ پنجاب سردار عثمان بزدارسے ڈی جی رینجرز پنجاب میجر جنرل محمد عامر مجید کی ملاقات pic.twitter.com/poaTh8KpLx
— Baaghi TV باغی ٹی وی (@BaaghiTV) January 29, 2020
وزیراعلیٰ پنجاب کا کہنا تھا کہ قوم کورینجرز کے افسروں اورجوانوں کی بہادری پر ناز ہے۔ رینجرز نے ملک میں قیام امن کیلئے ہراول دستے کا کردار ادا کیا ہے۔ سرحدوں کی حفاظت کیلئے رینجر ز کے افسر اور جوان گرانقدر خدمات سرانجام دے رہے ہیں۔
وزیراعلیٰ پنجاب عثمان بزدار کا مزید کہنا تھا کہ پاکستان کا دفاع ناقابل تسخیر ہے۔ دشمن پاکستان کی طرف میلی آنکھ سے نہیں دیکھ سکتا۔
رینجرز کے افسر اور جوان ہمارا مان ہیں۔ دہشت گردی کے خلاف جنگ میں پاکستان کی سکیورٹی فورسز کی بے مثال کامیابیاں تاریخ کا انمٹ نقوش ہیں۔ دنیا کے کسی ملک نے پاکستان کی طرح ایسی لازوال قربانیاں نہیں دیں۔ پاکستان کے بہادر سپوتوں نے اپنی قیمتی لہوسے نئی تاریخ رقم کی ہے۔ آج پاکستان ایک پرامن ملک بن چکا ہے۔
وزیراعلیٰ پنجاب سردار عثمان بزدارسے ڈی جی رینجرز پنجاب میجر جنرل محمد عامر مجید کی ملاقات
