وزیرا علیٰپنجاب کادورہ پیشین، بلوچستان کے عوام کے لیے بڑا اعلان
وزیرا علیٰپنجاب کا بلوچستان کے عوام کے لیے بڑا اعلان
وزیراعلیٰ پنجاب سردار عثمان بزدار اور وزیر اعلی بلوچستان جام کمال خان نے پیشین میں قبائلی عمائدین سے ملاقات کی ہے .
وزیر اعلی پنجاب سردار عثمان بزدار نے اس موقع پر بلوچستان کے عوام کیلئے بڑا اعلان کیا ہے ، تربت میں 100 بستروں پر مشتمل ہسپتال اور تفتان میں کمیونٹی سنٹر کے قیام کا اعلان کیا وزیر اعلی عثمان بزدار نے دونوں منصوبوں کے لئے وزیر اعلی بلوچستان جام کمال خان کو ایک ارب روپے کا چیک دیا.وزیر اعلیٰ پنجاب سردار عثمان بزدار نے کہا کہ حکومت پنجاب تربت میں 100بیڈ کا ہسپتال تعمیر کرے گی- تفتان میں زائرین کیلئے کمیونٹی سینٹربھی بنائیں گے-
تربت کا ہسپتال اور تفتان کا کمیونٹی سینٹر صوبائی ہم آہنگی اورباہمی محبت کا نشان بنے گا۔ہم ایک ہیں اورایک رہیں گے،نفرتیں پھیلانے والے ناکام رگے۔ہم خالی نعرے نہیں لگاتے بلکہ عملی طور پر کام کر کے دکھاتے ہیں –
بلوچستان میرا دوسرا گھر ہے –
وزیر اعلٰی پنجاب کی وزیر اعلیٰ بلوچستان سے پیشن میں ملاقات pic.twitter.com/ZIMlO6G5nV
— Baaghi TV باغی ٹی وی (@BaaghiTV) July 16, 2020
بلوچستان آکر کبھی اجنبیت کا احساس نہیں ہو تا-آئندہ بھی بلوچستان آؤں گا .تربت میں ہسپتال اور تفتان میں کمیونٹی سنٹر کے منصوبے پنجاب کے عوام کی طرف سے بلوچ بہن بھائیوں کے لئے تحفہ ہیں – حکومت پنجاب بلوچستان کے شہریوں کے مسائل حل کرنے کیلئے متعدد پرا جیکٹ لارہی ہے۔ بلوچستان کی ترقی دراصل پاکستان کی ترقی ہے۔
وزیر اعظم عمران خان کی قیادت میں ترقی کا سفر جاری و ساری رہے گا- قومی یکجہتی اور یگانگت کو فروغ دینے کے لئے ایسے دورے بے حد ضروری ہیں -بلوچستان کے لئے جام کمال کی خدمات قابل تحسین ہے۔
وزیراعلیٰ بلوچستان جام کمال خان نے تربت ہسپتال اورتفتان میں کمیونٹی سینٹر کیلئے فنڈز فراہم کرنے پر حکومت پنجاب اورعوام سے اظہار تشکر کیا ہے .
جذبہ خیر سگالی کو فروغ دینے کیلئے حکومت پنجاب کی معاونت خوش آئند ہے۔ عثمان بزدار کی بلوچستان آمد پر بے حد خوشی ہے،ان کے آنے سے محبتیں بڑھیں گی۔ صوبوں کے درمیان ہم آہنگی کے فروغ کیلئے وزیراعلیٰ عثمان بزدار کی خدمات قابل ستائش ہے۔ہم نے مل کر عوام کو بہترین خدمات کی فراہمی یقینی بنانی ہیں -لوگوں کے مسائل کے حل کے لئے مزید محنت سے کام کرنا ہے – ایسے کام کر کے جائیں گے جو آنے والی حکومت کیلئے مثال بنے-

