وزیراعظم عمران خان سے فیصل آباد سے تعلق رکھنے والے ممبران قومی اسمبلی کی ملاقات
وزیراعظم عمران خان سے فیصل آباد سے تعلق رکھنے والے ممبران قومی اسمبلی کی ملاقات
باغی ٹی وی : وفاقی وزیر اطلاعات سینیٹر شبلی فراز، مشیر مرزا شہزاد اکبر اور وزیراعلی پنجاب سردار عثمان بزدار بھی ملاقات میں موجود تھے .
باغی ٹی و ی : ممبران قومی اسمبلی میں چودھری محمد عاصم نذیر، نواب شیر وسیر، رضا نصراللہ گھمن، خرم شہزاد، فرخ حبیب، فیض اللہ اور راجہ ریاض احمد شامل تھے .
ممبران اسمبلی نے وزیراعظم کو اپنے متعلقہ حلقوں میں ترقیاتی اور فلاحی منصوبوں کے حوالے سےآگاہ کیا۔
ممبران اسمبلی نے وزیر اعظم کو کورونا کی صورتحال سے آگاہ کرتے ہوئے وباء پر قابو پانے کے لئے حکومتی حکمت عملی پر خراج تحسین پیش کیا ۔ ممبران کی کورونا وباء کے دوران موثر کارکردگی پر فیصل آباد انتظامیہ کی تعریف ۔
وفد نے مسئلہ کشمیر کو اجاگر کرنے اور خصوصاً بھارت کی جانب سے جابرانہ و یکطرفہ اقدام ، غیر انسانی محاصرے، بنیادی انسانی حقوق کی پامالی کی صورتحال کو عالمی سطح پر اجاگر کرنے کے حوالے سے وزیرِ اعظم عمران خان کی کاوشوں کو بھر پور خراج تحسین پیش کیا۔
وزیر اعظم نے ممبران سے گفتگو کرتے ہوئے کہا کہ فیصل آباد معاشی لحاظ سے بہت اہم حیثیت کا حامل ہے۔ انہوں نے کہا کہ حکومت صنعتی شعبے کی ترقی پر بھرپور توجہ دے رہی ہے۔ کاروباری طبقے اور تعمیرات سیکٹر کومراعات سے ترقی آئے گی۔ وزیرِ اعظم نے کہا کہ چھوٹے اور درمیانی درجے کے کاروبار کے فروغ کے لیے بھی اقدامات کر رہے ہیں۔ صنعتی شعبے اور کاروباری سرگرمیوں کے فروغ کے لئے وفاقی حکومت ہر ممکن تعاون کرے گی۔
