دیہاتوں کے دیہات جل گئے حکومت غفلت کی نیند سوئی رہی،وزیر اعلیٰ سندھ واقعے پر سنجیدگی اختیار کریں،حافظ سعد حسین رضوی

دادو کے گاؤں فیض محمد میں آتشزدگی کے واقع پر سربراہ تحریک لبیک پاکستان حافظ سعد حسین رضوی نے انتظامیہ کی غفلت پر اظہار تشویش کیا ہے-

باغی ٹی وی : حافظ سعد حسین رضوی کا کہنا تھا کہ دادو مہیڑ میں پیش آنے والا آتشزدگی کا واقعہ افسوسناک ہے،واقع میں بچوں سمیت دیگر افراد کے جاں بحق ہونے پر دکھ کا اظہار کرتے ہیں،ہسپتال میں زیر علاج افراد کے پاس گھنٹوں بعد بھی تاحال کوئی انتظامیہ کا نمائندہ نہیں پہنچا-

انہوں نے کہا کہ سندھ کے دیہی اضلاع میں انتظامیہ نام کی کوئی چیز موجود نہیں وزیر اعلیٰ سندھ واقعے پر سنجیدگی اختیار کریں اور متعلقہ اداروں کو فوری غمزدہ خاندانوں کی بہترین طبعی امداد کی فراہمی یقینی بنانے کے احکامات دیں-

حافظ سعد حسین رضوی کا کہنا تھا کہ دیہاتوں کے دیہات جل گئے حکومت غفلت کی نیند سوئی رہی، سندھ حکومت آنجہانی آفات سے نمٹنے کے لئے بروقت اور موثر انتظامات کرنے میں ہمیشہ نااہل ثابت ہوئی ہے ،وزیر اعلیٰ سندھ غفلت کی نیند سے بیدار ہوں اور عوامی دھکوں پر مرہم رکھیں-

حافظ سعد حسین رضوی کا مزید کہنا تھا کہ سندھ میں قیمتی انسانی جانوں کی حفاظت وزیر اعلیٰ سندھ کی زمہ داری ہے واقعے میں متاثرہ خاندانوں سے دلی ہمدردی کا اظہار کرتے ہیں-

دادو :2 دیہاتوں میں آگ لگنے سے75 سےزائد مکانات جل کر راکھ جبکہ6 بچوں سمیت 9 افراد…