چیف آف آرمی سٹاف جنرل سید عاصم منیر نے نیشنل کاؤنٹر ٹیررازم سینٹر پبی کا دورہ کیا
آرمی چیف جنرل سید عاصم منیر نے پبی میں پاک چین مشترکہ مشقوں وارئیر 8 کا مشاہدہ کیا،آرمی چیف جنرل سید عاصم منیر کو مشترکہ مشق کے حوالے سے بریفنگ دی گئی،آرمی چیف نے مشق کے شرکاء سے بات چیت بھی کی ، ڈی جی آئی ایس پی آر کے مطابق دورے کے دوران، آرمی چیف جنرل سید عاصم منیر کو مشق کی تفصیلات، اس کے دائرہ کار اور انعقاد کے بارے میں بریفنگ دی گئی۔ انہوں نے مشق کے شرکاء سے بھی بات چیت کی اور ان کے اعلیٰ پیشہ ورانہ معیار اور بلند حوصلے کی تعریف کی جو مشق کے دوران واضح طور پر نظر آ رہے تھے۔
پاکستان اور چین کے درمیان مشترکہ فوجی مشق "واریئر-VIII” 19 نومبر 2024 کو شروع ہوئی، جو تین ہفتے تک جاری رہے گی۔ یہ مشق دہشت گردی کے خلاف جنگ کے میدان میں دونوں افواج کی مشترکہ تربیت اور آپریشنز کے حوالے سے ہے۔ "واریئر” سیریز کی یہ آٹھویں مشق ہے، جو دونوں ممالک کے درمیان ہر سال منعقد کی جاتی ہے تاکہ دہشت گردی کے خلاف مشترکہ تعاون کو مزید مستحکم کیا جا سکے۔
آرمی چیف جنرل سید عاصم منیر کے پہنچنے پر راولپنڈی کور کے کمانڈر نے کیا۔ ان کی موجودگی میں دونوں ممالک کی افواج کے درمیان مضبوط دفاعی تعلقات اور تعاون کا اعادہ کیا گیا، جس سے دونوں ممالک کی مشترکہ دہشت گردی کے خلاف جنگ میں اہم پیش رفت کی توقع کی جا رہی ہے۔
"واریئر-VIII” مشق کا مقصد دونوں افواج کی مشترکہ صلاحیتوں کو مزید بہتر بنانا اور دہشت گردی کے خلاف جنگ کے جدید حربوں اور تکنیکوں پر عملدرآمد کو فروغ دینا ہے۔ اس مشق میں شریک دونوں ممالک کے فوجیوں کو دہشت گردی کی مختلف صورتوں کا سامنا کرنے کی تربیت دی جارہی ہے اور آپریشنز میں مشترکہ حکمت عملی اختیار کی جارہی ہے۔
پاکستان اور چین کی مشترکہ تربیتی فوجی مشقوں کا آغاز ہوگیا
آرمی چیف کا پاک فضائیہ کے آپریشنل ایئر بیس کا دورہ،انڈس شیلڈ مشقوں کا معائنہ
پاکستان اور روس کی مشترکہ فوجی مشق دروزبا ہفتم کا آغاز
پاکستان اور چین کے درمیان اس نوعیت کی مشقیں دونوں ممالک کے دفاعی تعلقات میں مزید پختگی کا سبب بن رہی ہیں، اور عالمی سطح پر دہشت گردی کے خلاف تعاون کو مستحکم کرنے میں اہم کردار ادا کر رہی ہیں
