گوجرانوالہ: بارش کے بعد کمشنرکا شہر کے مختلف علاقوں کا تفصیلی دورہ
گوجرانوالہ، باغی ٹی وی( نامہ نگار محمد رمضان نوشاہی) کمشنر گوجرانوالہ ڈویژن نوید حیدر شیرازی کا بارش کے بعد شہر کے مختلف علاقوں کا تفصیلی دورہ
ایکسیئن واسا و دیگر افسران اس موقع پر انکے ہمراہ تھے
کمشنر نے شہر کے مختلف علاقوں کا دورہِ کیا اور اس دوران واسا کے حکام کو ہدایت کی کہ شہر و ضلع کے تمام نشیبی علاقوں سے نکاسی آب کا عمل جلد یقینی بنایا جائے ۔
واسا اور میونسپل کمیٹیز تمام ڈسپوزل اسٹیشن نہ صرف آپریشنل رکھیں بلکہ خود فیلڈ میں نکل کر جائزہ لیں اورلوڈشیڈنگ کی صورت میں جنریٹر کو بروئے کار لایا جائے،
انہوں نے ہدایت کی کہ واسا حکام شہر کی سڑکوں پر سکر مشینیں اور ڈی واٹرنگ پمپس لگا کر نکاسی آب یقینی بنائیں،106ملی میٹر شدید بارش کے باعث شہریوں کو پریشانی سے بچانے اور ٹریفک کی روانی کے لیے تمام وسائل بروئے کارلائے جائیں،
انہوں نے کہا کہ وزیراعلٰی پنجاب مریم نواز شریف کی طرف سے نکاسی آب کے حوالے سے خصوصی ہدایات جاری کی گئی ہیں،ایم ڈی واسا،ایکسئین اور میونسپل کمیٹیوں کے چیف افسران ہمہ وقت الرٹ رہیں،
انہوں نے ایم ڈی واسا اور ایکسیئن کو ہدایت کی کہ فلیڈ میں رہیں اور وقتاً فوقتاً نکاسی آب کے عمل کو چیک کرتے رہیں تاکہ شہریوں کو کسی قسم کی پریشانی کا سامنا نہ کرنا پڑے
