کرونا سے مولانا فضل الرحمان کے قریبی ساتھی ،سابق وفاقی وزیر چل بسے،
باغی ٹی وی کی رپورٹ کے مطابق پاکستان میں کرونا کے وار جاری ہیں، کرونا سے اموات اور مریضوں میں مسلسل اضافہ ہو رہا ہے
کورونا کے باعث بٹگرام سے تعلق رکھنے والے سابق وفاقی وزیر جاں بحق ہو گئے ہیں عالم زیب خان کئی ماہ سے کورونا کے باعث ہسپتال میں زیرعلاج تھے،عالم زیب خان کی نماز جنازہ آج دن 3 بجے تھاکوٹ میں ادا کی جائے گی ۔
عالم زیب خان کا تعلق جمعیت علماء اسلام سے تھا اور وہ نگران وزیر مملکت رہ چکے ہیں
افسوسناک ۔۔
جمعیت علماء اسلام کے سابقہ وزیر مملکت الحاج عالم زیب خان وفات پاگئے ھیں ان کے وفات پر دلی دکھ ہوا یقینا جمعیت علماء اسلام ایک دیرینہ رھنماء سے محروم ھوگیی اللہ تعالی کامل مغفرت نصیب فرمائے اور بخت نواز خان صاحب سمیت تمام بردران اور لواحقین کو صبر جمیل عطاء فرمائے ۔۔— Niamat Ullah Tanoli (@Niamat77) February 10, 2021
این سی او سی کے مطابق پاکستان میں گزشتہ چوبیس گھنٹوں میں کرونا سے مزید 62 اموات ہوئی ہیں جبکہ ایک ہزار 72 نئے مریض سامنے آئے ہیں۔
نیشنل کمانڈ اینڈ کنٹرول سینٹر کے مطابق پاکستان میں کورونا سے اموات کی مجموعی تعداد 12 ہزار 128 تک پہنچ گئی جبکہ متاثرہ افراد کی مجموعی تعداد 5 لاکھ 57 ہزار 591 ہو گئی ہے۔ملک میں کورونا سے 5 لاکھ 14 ہزار 951 افراد صحتیاب ہو چکے ہیں اور زیر علاج مریضوں کی تعداد 30 ہزار 512 ہے۔
